![Nyurnberqdə Azad Həsənovun müdafiəsi ilə bağlı aksiya keçirilib](https://turan.az/resized/media/2018/main/101900014139-750-500-resize.webp)
Nyurnberqdə Azad Həsənovun müdafiəsi ilə bağlı aksiya keçirilib
Bakı/19.10.18/Turan: Müsavat Partiyasının fəalı, hazırda həbsdə olan siyasi mühacir Azad Həsənovun hüquqlarının müdafiəsi ilə bağlı aksiyalara start verilib. İlk aksiya Almaniyanın Nyurnberq şəhərində keçirilib.
Müsavat Avropa Koordinasiya Mərkəzinin (AKM) məlumatına görə, aksiyada müxtəlif partiya və təşkilatların üzvləri, eləcə də heç bir partiyanın üzvü olmayan mühacirlər iştirak edib. Aksiyada A.Həsənova və bütün siyasi məhbuslara azadlıq tələb edilib.
A.Həsənov oktyabrın 10-da mühacirətdə olduğu Litvadan ağır vəziyyətdə olan atasını görmək üçün Bakıya qayıdıb və bundan bir neçə saat sonra yaşadığı Hövsan qəsəbəsində həbs edilib.
Ona qarşı Cinayət Məcəlləsinin 234.4.3 maddəsi ilə (qanunsuz olaraq narkotik vasitələri, psixotrop maddələri və ya onların prekursorlarını hazırlama, istehsal etmə, saxlama, daşıma, göndərmə və ya satma - qabaqcadan əlbir olan bir qrup şəxs tərəfindən və ya mütəşəkkil dəstə tərəfindən külli miqarda törədildikdə) cinayət işi qaldırılıb.
Oktyabrın 12-də Xətai Rayon Məhkəməsi hakim İbrahim İbrahimlinin sədrliyi ilə A.Həsənovun barəsində 4 ay həbs qətimkan tədbiri seçib.
Müsavat Partiyası A.Həsənova qarşı ittihamın uydurma olduğunu bəyan edib.
Partiya bildirir ki, A.Həsənov 2003-cü ildən bu qurumun fəal üzvüdür. O 2014-cü ilin fevralından ailəsi ilə birgə mühacirətdədir, 2016-cı ilin yanvar ayından Litvada siyasi sığınacaq alıb.-03D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz