“Oqtayın səhhətində hər hansı yenilik yoxdur, koma vəziyyəti hələ ki, davam edir”. Bunu İstanbulda “Amerika Xəstəxanası”nda müalicə alan hüquq müdafiəçisi Oqtay Gülalıyevin xanımı Firuzə Gülalıyeva bildirib.
Onun sözlərinə görə, artıq 2-3 gündür ki, O.Gülalıyevə antibiotiklərin vurulması da dayandırılıb: “Antibiotiklər ağ ciyərində və qanda infeksiya aşkar edilməsinə qarşı olaraq vurulurdu. Amma son günlərdə qaraciyərində yaranan problemlə bağlı antibiotiklərin vurulması dayandırıldı”.
F.Gülalıyeva deyir ki, dekabrın 6-da həkimlər O. Gülalıyevin baş nahiyəsini MRT etmək istəyiblər, amma hazırkı vəziyyəti buna imkan verməyib.
F.Gülalıyeva deyib ki, dekabrın 9-da “Amerika Xəstənası”nda O.Gülalıyevin müalicə müddəti başa çatacaq: “Amerika Xəstəxanası”nda Oqtayın müalicə olunması ilə bağlı müddət dekabrın 9-da başa çatır. Bunu Heydər Əliyev Fondunun Türkiyədəki təmsilçisinə də çatdırdım. Mənə dedilər ki, dekabrın 9-da həkimlərlə danışıb qərar qəbul edəcəklər. Amma Oqtayı müalicə edən həkimlər onun ağ ciyərində və qanında infeksiyanın olmasını əsas gətirərək Bakıya aparılmasını mümkün saymırlar. Hələlik vəziyyət belədir”, - F.Gülalıyeva bildirib.--0--
Cəmiyyət
-
Yanvarın 5-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Gündüz bəzi yerlərdə qısamüddətli yağış yağacağı, gecə və səhər zəif duman olacağı ehtimalı var. Cənub-qərb küləyi gündüz arabir güclənən şimal-qərb küləyi ilə əvəz olunacaq. Havanın temperaturu gecə müsbət 3+6, gündüz müsbət 7+9 dərəcə olacaq, Milli Hidrometeorologiya Xidməti bildirib.
-
Turan Informasiya Agentliyi media hüququ üzrə tanınmış ekspert Xalid Ağalıyevə anasının vaxtsız vəfatı ilə əlaqədar ən dərin hüznlə başsağlığını bildirir. Allah ona əbədi rahatlıq versin, ruhu şad olsun.
-
Azərbaycanda 2 yanvar tarixindən qüvvəyə minən kommunal xidmətlərin qiymət artımı müxalifət partiyaları və vətəndaş cəmiyyəti tərəfindən kəskin tənqidə məruz qalmış, dövlət monopoliyalarının idarə olunmasında sistematik problemləri üzə çıxarmışdır. Tarif Şurasının elektrik enerjisi, təbii qaz, su, istilik və hətta dərman vasitələrinin qiymətlərinin artırılması qərarı ictimai narazılıq doğurmuş, müxalifət liderləri hökuməti ölkənin sosial-iqtisadi problemlərini daha da dərinləşdirməkdə günahlandırmışdır.
-
Prezident İlham Əliyev 2025-ci ili "Konstitusiya və Suverenlik İli" elan etdi. Dövlət başçısının imzaladığı sərəncamda bu, 2025-ci ildə ölkə Konstitusiyasının qəbul edilməsinin 30-cu və Vətən (İkinci Qarabağ) müharibəsində qələbənin beşinci ildönümü ilə əsaslandırılır. Bəzi ekspertlər düşünür ki, bu il Konstitusiyaya növbəti dəyişiklikləri də gözləmək olar.
Rəy yaz