Penitensiar Xidmət Taleh Bağırzadənin aclıq etdiyini təkzib edir

Bakı/28.11.22/Turan: Azərbaycanın Penitensiar Xidməti “Müsəlman Birliyi” Hərəkatının lideri Taleh Bağırzadənin aclıq etməsi barədə məlumatı təkzib edib.

Penitensiar Xidmətin ictimaiyyətlə əlaqələr şöbəsinin rəisi Mehman Sadıqov Turan-ın sorğusuna cavab olaraq deyib ki, Bağırzadənin aclıq etməsi barədə məlumatlar həqiqətəuyğun deyil. O, Bağırzadəyə ona qarşı fiziki və mənəvi təzyiq olması barədə iddiaları da rədd edib.

Öz növbəsində Bağırzadənin xanımı Leyla İsmayılzadə deyib ki, noyabrın 27-də həyat yoldaşı aclıq aksiyasına başladığını bildirib. Bir gün öncə onu Qobustan həbsxanasından 12 saylı koloniyaya köçürüblər.

* 2015-ci ildə Bağırzadə Nardaranda keçirilən xüsusi əməliyyat zamanı həbs edilib və terrorizm, konstitusiya quruluşunu dəyişdirməyə cəhd, qanunsuz silahlı birləşmə yaratmaq və digər ittihamlarla 20 il müddətinə azadlıqdan məhrum edilib.O, siyasi məhbus kimi tanınıb. 06B