Polad Aslanov. Açiq mənbələrdən foto.
Bakı/10.08.20/Turan: 1 saylı Bakı İstintaq Təcridxanasında saxlanılan Хeberman.com saytının redaktoru Polad Aslanovun xanımı Gülmirə Aslanova onu aclıq aksiyasını dayandırmağa çağırıb.
“Polad artıq altıncı gündür ki, qeyri-obyektiv istintaqa və məhkəmənin müdafiə tərəfinin vəsatətlərini rədd etməsinə etiraz olaraq aclıq edir”,-G.Aslanova Penitensiar Xidmətin və 1 saylı Bakı İstintaq Təcridxanasına rəisinə müraciətdə yazır.
O, həyat yoldaşının vəziyyəti barədə məlumat ala bilmədiyini qeyd edərək, ünvan sahiblərini onun çağırışını Polada çatdırmağa çağırır.
“45 kiloqram çəkisi olan və ürək-damar xəstəliyindən əziyyət çəkən bir şəxsin aclıq etməsi ölümə bərabərdir. Aclıq onun immunitetini zəiflədir ki, bu da pandemiya şəraitində xüsusilə təhlükəlidir”, - G.Aslanova yazır. O, ombudsman və Beynəlxalq Qırmızı Xaç Komitəsinin Bakı ofisini də məlumatlandırıb.
Öz növbəsində, Repressiya və İşgəncələr Əleyhinə Komitə P.Aslanovu aclığı dayandırmağa çağırıb. P.Aslanovun peşə fəaliyyətinə görə təqib olunduğuna əminliyini bildirən komitə onu səhhətindəki problemlərə görə aclıq aksiyasına son qoymağa çağırıb.
*Polad Aslanov 2019-cu il iyunun 12-də saxlanılıb və 4 ay müddətinə həbs edilib. Ona qarşı CM-in 274-cü maddəsi (dövlətə xəyanət) ilə ittiham irəli sürülüb. İstintaqı Dövlət Təhlükəsizliyi Xidməti aparır. Oktyabrın 5-də jurnalistin həbs müddəti daha 4 ay uzadılıb. O, İranın xüsusi xidmət orqanları ilə əməkdaşlıq üçün digər jurnalistləri cəlb etməkdə ittiham olunur.
Dekabrda ona qarşı CM-in 134-cü maddəsi (öldürməklə və ya sağlamlığa ağır zərər vurmaqla hədələmə) ilə daha bir ittiham irəli sürülüb.
Lakin fevralın 10-da bu maddə üzrə zərərçəkmiş şəxs kimi tanınan Dəyanət Babayev şikayətdən imtina edib.-06B-
Cəmiyyət
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
-
Ölkənin lider mobil operatoru davamlılıq və innovasiya mövzusuna həsr olunmuş mühüm sessiyada iştirak etdi 13-14 noyabr tarixlərində Bakıda "Azercell Telekom" MMC-nin dəstəyi ilə keçirilən 15-ci Davamlı İnnovasiya Forumu uğurla yekunlaşdı. İqlim dəyişikliklərinə həsr olunmuş qlobal tədbirlərin önəmli bir hissəsi olan bu forum biznes, maliyyə, dövlət qurumları və qeyri-hökumət təşkilatlarından 1000-ə yaxın sahə liderini bir araya gətirməyə müvəffəq oldu. Forum iqlim problemlərinin həlli, davamlı inkişaf təşəbbüsləri və innovativ həllərin müzakirəsi üçün effektiv platforma rolunu oynadı.
Rəy yaz