Bakı/06.01.18/Turan: Polis müxtəlif obyektlərə bomba qoyulması barədə yalan məlumat verən iki nəfəri aşkar edərək saxlayıb.
Yanvarın 2-də saat 21:40-da naməlum şəxs DİN-in "102" saylı qaynar xəttinə telefon edərək Səbayel rayonundakı mehmanxanaların birinə bomba qoyulduğunu bildirib. Axtarış zamanı bomba tapılmayıb.
Əməliyyat-axtarış tədbirləri zamanı müəyyən edilib ki, zənğ edən 24 yaşlı Elmar Qasımovdur. O saxlanılıb.
Yanvarın 3-də saat 16:28-də "102"-yə zəng edən şəxs paytaxtın Nizami rayonunda anbara bomba qoyulduğunu bildirib. Müəyyən edilib ki, məlumat verən 61 yaşlı Həsən İsmayılovdur. O da saxlanılıb.
Faktlar üzrə CM-in 216-cı maddəsi (terror haqda yalan məlumat) ilə cinayət işi qaldırılıb. Bu barədə DİN mətbuat xidmətinin məlumatında bildirilir.-02D-
Cəmiyyət
-
Yeni funksiya sayəsində müştərilər fərdiləşdirilmiş təkliflərdən birbaşa ”Azercell” tətbiqindən faydalana biləcəklər Abunəçilərinə ən yaxşı rəqəmsal təcrübəni təqdim etməyi hədəfləyən lider mobil operator “Azercell” tətbiqinin texnoloji imkanlarını genişləndirməyə davam edir. Abunəçilər üçün xüsusi hazırlanan təkliflərlə artıq birbaşa tətbiqdən tanış olmaq və rahat şəkildə faydalanmaq mümkündür.
-
2017-ci ildə Sumqayıt Şəhər Məhkəməsi Qubadlıdan qaçqın olan Əliyevlər ailəsinin (Əkbər, Sərvinaz, Ramil və daha iki ailə üzvü) 12-ci mikrorayon, ev 7A, mənzil 35 ünvanında qanunsuz tutduğu mənzildən çıxarılması barədə qərar qəbul edib. Məhkəmə əmlakın qanuni sahibinə- Səmayə Əliyevaya qaytarılması barədə qərar qəbul edib.
-
Yanvarın 10-da Bakıda və Abşeron yarımadasında hava tutqun, yağışsız olacaq. Mülayim cənub-şərq küləyi əsəcək. Gecə 5-8, gündüz 9-14 dərəcə isti olacaq.
-
Bakının məşhur restoranlarından olan “Şuşa” restoranın söküntüsü davam etdirilir. Bu gün səhər saatlarında bir neçə ekskavator restoranının ətrafında söküntü işlərini davam etdirib.
Rəy yaz