Açiq mənbələrdən foto.

Açiq mənbələrdən foto.

Bakı/22.06.23/Turan: 22 iyun səhərdən Gədəbəy rayonunun Söyüdlü kəndinə giriş məhdudlaşdırılıb. Son iki gündə burada yerli sakinlərin etiraz aksiyası keçirilib.  

İyunun 20-də polis əməkdaşları Söyüdlü kənd sakinlərinin etiraz aksiyasını dağıtmaq məqsədilə xüsusi vasitələrdən istifadə ediblər. Kəndlilər "Gədəbəy" yatağından qızıl hasilatı və emalı müəssisəsinin çirkab suları üçün süni su anbarının yaradılmasına etiraz ediblər. Yerli sakinlərin sözlərinə görə, qarşıdurma zamanı 10-a yaxın adam xəsarət alıb. Beş etirazçı inzibati qaydada həbs edilib, aksiyanın daha bir iştirakçısı cərimələnib. İyunun 21-də yerli sakinlər etiraz aksiyasını davam etdiriblər və Gədəbəy rayonunun icra başçısı onların nümayəndələrini  qəbul edib.

İyunun 22-də kəndin girişində polis postu quraşdırılıb və Söyüdlüyə yalnız yerli qeydiyyatı olan şəxslər buraxılır. Bu barədə Turan-a yerli sakin Sürəyya Əliyeva bildirib.

Onun sözlərinə görə, kəndin ərazisində “çoxlu polis" var, onlar etirazları davam etdirmək üçün adamların bir araya gəlməsinə imkan vermirlər.

O hesab edir ki, yerli sakinlər Gədəbəy rayonunun icra başçısı Orxan Mürsəlovla dünənki görüşdən razı qalmayıblar.

"O, bizi dinləmədi, ancaq özü danışdı. Hazırda hökumət komissiyası yaradılıb. Biz istəyirik ki, komissiya üzvləri bizimlə görüşsünlər, şikayətlərimizi dinləsinlər, yerli sakinlərin iştirakı ilə monitorinq aparsınlar. Gəlib zavodun həyətinə baş çəkib gedəcəklərsə, gəlməsələr daha yaxşıdır”, - Əliyeva qeyd edib.

Daxili İşlər Nazirliyinin mətbuat xidməti kəndə girişin məhdudlaşdırılmasını Turan-ın müxbirinə təsdiqləyib.

İctimai asayişin təmin edilməsi məqsədilə kəndə kənar şəxslərin girişi məhdudlaşdırılıb, - nazirlikdən bildiriblər.

“Müdafiə Xətti” hüquq- müdafiə təşkilatının icraçı direktoru Rüfət Səfərov  Turan-ın müxbirilə söhbətində polisin hərəkətlərini hüquqazidd adlandırıb.

“Hökumət haqlı etirazları dinləyib rasional qərar vermək əvəzinə təcridetməni dərinləşdirir, zorakı siyasətə üstünlük verir”, - o deyib.

"Əlbəttə, Söyüdlü kəndinə giriş-çıxışı məhdudlaşdırmaq milli və beynəlxalq qanunvericiliklə ziddiyyət təşkil edir", - Səfərov deyib.

Konstitusiyanın 28-ci maddəsinin lll hissəsinə görə, Azərbaycan Respublikasının ərazisində olan hər kəs sərbəst hərəkət edə bilər, özünə yaşayış yeri seçə bilər və Azərbaycan Respublikasının ərazisindən kənara gedə bilər.

İnsan hüquqlarının və əsas azadlıqların müdafiəsi haqqında Konvensiyaya dair 4 saylı Protokola əsasən istənilən dövlətin ərazisində olan hər kəsin həmin ərazidə sərbəst hərəkət etmək və özünə yaşayış yeri seçmək hüququ var.

Öz növbəsində, Ekologiya və Təbii Sərvətlər Nazirliyinin mətbuat xidmətindən Turan-ın müxbirinə bildiriblər ki, hökumət komissiyasının üzvləri Gədəbəy rayonundadır.

Yerli mənbələrin məlumatına görə, bu gün komissiyanın üzvləri qızılın emalından sonra çirkab sularının töküldüyü süni gölə baş çəkiblər.

Yerli sakinlər müəssisədən zərərli maddələrin axınının dayandırılmasını və zavoddan tullantıların toplanması üçün yeni süni gölün tikintisinə yol verilməməsini tələb edirlər.

Söyudlu Bakıdan 450 kilometr qərbdə dağlıq ərazidə yerləşir. "Gədəbəy" yatağı 2009-cu ildən Britaniyanın "Anglo Asian Mining" şirkəti tərəfindən işlənilir. İlk qızıl hasilatına 2009-cu ildə başlanılıb.- 06B-

Kəndin girişindəki polis postunun fotosu "Azadlıq" qəzetinin səhifəsində:

https://www.facebook.com/photo?fbid=583604477220865&set=a.541184561462857

Rəy yaz

Cəmiyyət

Чего ждать после потери Авдеевки? - беседа с военно-политическим экспертом Олександром Мусиенко в "Çətin sual"



InvestPro Azerbaijan Baku & Turkiye Istanbul 2024 – two conferences in one shot


Əziz Bakı şəhəri sakini!

Siz də Qlobal İqlim Dəyişmələri ilə mübarizəyə öz töhfənizi verə bilərsiniz

Dear resident of Baku city!

You too can contribute to the fight against Global Climate Change

Дорогой житель города Баку!

Вы тоже можете внести свой вклад в борьбу с глобальным изменением климата

Bizi sosial şəbəkələrdə izləyin

Xəbər lenti