![Певица Фадаи Лачин](https://turan.az/resized/750/500/resize/media/2017/main/103000005282.jpg)
Певица Фадаи Лачин
Qaçan məhbuslara yardım etməkdə şübhəli bilinən müğənni saxlanılıb
Bakı/30.10.17/Turan: Müğənni Fədai Laçın qaçan məhbuslara yardım etməkdə şübhəli bilinən şəxs kimi saxlanılıb. Bu barədə Baş Prokurorluğun məlumatında bildirilir. O, oktyabrın 23-də Lənkərandan Bakıya gətirilərkən Astara-Bakı qatarından qaçan Etibar Məmmədov və Əli Ağamiyə yardım etməkdə ittiham olunur.
L.Fədainin barəsində həbs qətimkan tədbiri seçilib.
Xatırladaq ki, oktyabrın 23-də xüsusi vaqonda Lənkərandan Bakıya gətirilən Etibar Məmmədov (1980-cı il) və Əli Ağamiyə (1989-cu il) Biləcəri stansiyasında qaçıblar. Onlar xüsusilə ağır cinayət törətməkdə ittiham olunurlar. E.Məmmədov CM-in 234.4.3 (külli miqdarda narkotik maddənin qanunsuz dövriyyəsi), əvvəllər məhkum olunmuş Ə.Ağami isə 120.2.2 (qəsdən adam öldürmək) və 228 (qanunsuz odlu silah saxlamaq) maddələri ilə ittiham olunublar.
Ötən həftə Lənkəran Ağır Cinayətlər Məhkəməsində prokuror onların hər birinin 19 il azadlıqdan məhrum edilməsini istəyib.
Oktyabrın 26-da Ə.Ağami saxlanılıb və təcridxanada yerləşdirilib. E.Məmmədovun axtarışı davam edir.
Xidməti yoxlamanın nəticələrinə görə, Penitensiar Xidmətin bir neçə zabit və əməkdaşı ədliyyə orqanlarından xaric edilib, iki əməkdaş həbs olunub.-0-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz