Bakı/29.08.19/Turan: Azərbaycanın "Qarabağ" klubu öz meydanında keçirilən oyunda Şimali İrlandiyanın "Linfild" komandasına 2:1 hesabı ilə qalib gələrək, Avropa Liqasının qrup mərhələsinə vəsiqə qazanıb.
Birinci oyunda Ağdam klubu 2:3 hesabı ilə məğlub olmuşdu.
Oyunun 6-cı dəqiqəsində "Qarabağ" klubunun ispaniyalı legioneri Hayme Romero çoxgedişli kombinasiyasını uğurla bitirərək, hesabı açıb.
Bütün oyuna nəzarət edən Azərbaycan çempionu çox sayda qol imkanından yararlana bilməyib. Oyuna nöqtəni "Qarabağ"ın yarımmüdafiəçisi Abdulla Zubir qoyub. O, Qara Qarayevdən dəqiq uzun ötürmə alaraq, rəqibin qapıçısı ilə təkbətək qalıb və onu aldadaraq topu boş qapıya göndərib.
Şimali İrlandiyalılar əlavə edilmiş ikinci dəqiqədə Şeyn Leyverinin qolu ilə hesabdakı fərqi azaldıblar.
"Qarabağ" tarixi boyunca ardıcıl olaraq altıncı dəfədir Avropa kuboklarının qrup mərhələsinə keçir. Bundan əvvəl Azərbaycan çempionu 1 dəfə Çempionlar Liqasının qrup mərhələsində və 4 dəfə Avropa Liqasında oynayıb.
Qrup mərhələsinin püşkatma mərasimi avqustun 30-da keçiriləcək. -71D-
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz