Bakı/04.10.18/Turan: "Qarabağ" FK Avropa Liqasının qrup mərhələsinin ikinci turunda öz meydançasında Londonun "Arsenal" klubuna 0:3 hesabı ilə məğlub olub. Matç Bakı Olimpiya Stadionunda anşlaqla keçirilib.
Oyunu 60 mindən çox tamaşaçı izləyib. Yekun hesab böyük olsa da, oyun mənzərəsini əks etdirmir.
"Qarabağ" məşhur rəqib qarşısında titrəməyib, ona çox çətin anlar yaşadıb, xüsusən, birinci taymda.
Hətta erkən buraxılmış qol belə Azərbaycan komandasını sarsıtmayıb. Birinci taym "Qarabağ"ın ərazi üstünlüyü ilə keçib.
Ev sahiblərinin ən az üç qol məqamı olub. Amma Mahir Mədətov və Filipp Ozobiçin zərbələrindən sonra qonaqların qapıçısı komandanı qaçılmaz qoldan xilas edib. Bir halda isə Maksim Medvedev fürsət anında topu qapıdan içəri ata bilməyib.
İkinci taym ev sahiblərinin hücumları ilə başlayıb. Amma hücumlara aludə olan "Qarabağ" "Arsenal"ın qarşı hücumunu gözdən qaçırıb və qonaqlar hesabı ikiyə catdırıblar.
Bundan sonra Qarabağ hücumları davam etdirib, amma artıq oyunun ilk yarısında olduğu qədər kəskin hücum alınmayıb.
Yalnız bir dəfə Emeqara fürsət anında qapıçı meydanında topu məharətlə ram edə bilməyib.
Sona yaxın "Qarabağ" qonaqların sürətli əks hücumundan sonra bir qol da buraxıb.
İki oyundan sonra "Qarabağ" heç bir xal yığmadan, öz qrupunda turnir cədvəlinin sonunda yer alıb.
Maraqlıdır ki, yekun nəticədən başqa, matçın bütün statistikası bərabər olub.
Belə ki, hər iki komanda beş dəfə qapıya doğru zərbə vurub və dörd dəfə top çərcivəyə tuşlanıb.
Ötürmə dəqiqliyi "Qarabağ"da 86%, "Arsenal"da 89% təşkil edib.
Fol və sarı kartların sayı da bərabər olub - müvafiq olaraq 9-9 və 1-1.
"Qarabağ" 6, "Arsenal" 4 künc vuruşu edib.
Topu idarə etmə 46%-54% təşkil edib.
Bununla belə, "Arsenal" futbolçularının ustalıqı, qol məqamlarından maksimum istifadə etmək bacarıqları həlledici olub.
İkinci turda Ukraynanın "Vorskla" komandası Lissabonun "Sportinq" komandasına məğlub olub.
İki turdan sonra "Arsenal" və "Sportinq" hər biri 6 xal yığıb. Amma daha çox top fərqi sayəsində "Arsenal" qrupa liderlik edir.
"Vorskla"nın da "Qarabağ" kimi xalı yoxdur, amma vurulmuş və buraxılmış qolların daha yaxşı fərqinə görə üçüncü yeri tutur. --06D-
Cəmiyyət
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
-
Google, Ambition Loop, Azercell və “Azərbaycan Dəmir Yolları” QSC kimi qlobal və yerli şirkətlərin nümayəndələri dayanıqlı inkişafın təşviqində korporativ məsuliyyət, innovasiya və tərəfdaşlıqların rolunu müzakirə ediblər
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
Rəy yaz