“Demokratik Təsisatlar və İnsan Hüquqları” (DTİH) ictimai birliyi ABŞ səfirliyinin demokratiya komissiyasının kiçik qrantlar proqramı çərçivəsində “Qeydiyyatdan keçməyən QHT-lərin məhkəmələrdə müdafiəsinin təşkili” layihəsini icra edir.
Layihənin eksperti, hüquqşünas Yaşar Ağazadə bildirib ki, layihənin əsas məqsədi QHT-lərin dövlət qeydiyyatına alınması üçün sənədlərin və qeydiyyata alınmayan QHT-lərin məhəkəmə iddialarının hazırlanmasıdır.
Layihənin icra olunduğu 6 ay ərzində 100-ə qədər QHT hüquqi xidmət üçün DTİH-yə müraciət edib. Bu sırada 45 təşkilat dövlət qeydiyyatına alnmaq üçün təkrar müraciət edib. Hazırda 23 iddia 1 saylı Bakı İnzibati-İqtisadi, 7 iş Bakı Apellyasiya Məhkəməsinin, 4 iş isə Ali Məhkəmənin icraatındadır. Yaxın günlərdə 4 işin Avropa Məhkəməsinə təqdim ediləcəyi nəzərdə tutulur.
Y.Ağazadə DTİH-in “Qeydiyyatdan keçməyən QHT-lərin məhkəmələrdə müdafiəsinin təkşili” layihəsinin icra vəziyyətinə dair dəyirmi masa təşkil edəcəyini söyləyib. -05B-
Cəmiyyət
-
"ToplumTV işi" adlandırılan cinayət işi üzrə təqsirləndirilən şəxslərin ittihamının ağırlaşdırıldığı, istintaqın artıq yekunlaşmaq üzrə olduğu bildirilir. Həmin cinayət işinə "Toplum" İnternet Televiziyasının, Demokratik Təşəbbüslər İnstitutunun, habelə III Respublika Platforması təşəbbüsünün bəzi əməkdaş və təmsilçilərinin həbsi daxildir. Müdafiə tərəfinin məlumatina görə, onlara Cinayət Məcəlləsinin 162-1.1 (Əmək müqaviləsi olmadan işçilərin cəlb edilməsi), 192.3.2 ( küllü miqdarda gəlir əldə etməklə qanunsuz sahibkarlıq), 193-1.3.1 (Cinayət yolu ilə əldə edilmiş əmlakı leqallaşdırma), 193-1.3.2 (...xeyli miqdarda), 206.4 (mütəşəkkil dəstənin qaçaqmalçılığı) və 213.2.1 (Vergiləri,... ödəməkdən yayınma ) maddələri ilə yeni ittihamlar irəli sürülüb. Əvvəl "ToplumTV işi" üzrə həbs olunanlar 206.3.2-ci (qaçaqmalçılıq – qabaqcadan əlbir olan bir qrup şəxs tərəfindən törədildikdə) maddələri ilə təqsirləndirilirdi. Əvvəlki ittihamlarla şəxslərə 8 ilədək həbs verilə bilərdisə, indi cəza müddəti 12 ilə çata bilər.
-
Çərşənbə axşamı hava dəyişkən olacaq, yağıntı olmayacaq. Şimal-qərb küləyi əsəcək. Havanın temperaturu gecə müsbət 3+6, gündüz müsbət 6+9 dərəcə olacaq. Rütubət 70-80 faiz olacaq.
-
İmişli rayonunda ictimai yerdə törətdikləri xuliqanlıq hərəkətlərinə görə bir qrup şəxs həbs edilib.
-
İmişli rayonunda yol-nəqliyyat hadisəsi nəticəsində iki uşaq ölüb, üçü yaralandığı bildirilir. Daxli İşlər Nazirliyinin mətbuat xidmətindən Turana bildirilib ki, xidmətə gedən Dövlət Yol Polisi avtomobilinin qarşısına digər bir nəqliyyat vasitəsinin çıxması nəticəsində xidməti avtomobil yol kənarında olan uşaqlara dəyib. Onlardan 2 nəfər həlak olub, digər azyaşlılar və sürücü xəstəxanaya çatdırılıb.
Rəy yaz