Qidanın keyfiyyəti insanlıq üçün təhlükə yaradır
Bakı/22.01.18/Turan: Müasir texnologiyalar artıq bütün Yer əhalisini doyurmağa imkan verir, buna grə gələcəkdə əsas təhlükə aclıq deyil, qidanın keyfiyyəti olacaq, BMT-nin Ərzaq və Kənd Təsərrüfatı Təşkilatının (FAO) Moskva şöbəsinin rəhbəri Yevgeniya Serova belə hesab edir.
"Yaxın gələcəkdə dünyada antibiotiklər böyük ehtimalla xəstəliklərdən qorumaq qabiliyyətini itirəcək, ərzaq məhsulları isə neft emalı tullantılarından istehsal olunacaq. Ərzaq məhsullarının qlobal istehsalı artdıqca qida təhlükəsizliyi riski də artır. Bu, kifayət qədər yeni və çətin problemdir", deyə Serova qeyd edib.
FAO eksperti həmçinin hesab edir ki, insanlara ehtiyatları gələcək nəsillər üçün saxlayan istehsal lazımdır.
Mövcud yanaşma ilə tezliklə 50% daha çox torpağa, suya və s. ehtiyac olacaq. "Bu resursları haradan alacağıq? Amma ərzaq itkisini heç olmasa yarıbayarı azaltsaq, istehsalı cəmi 28% artırmaq lazım gələcək", deyə Serova qeyd edib.
Bunun üçün ictimai təfəkkür üzərində işləmək lazımdır. Müasir sabit inkişaf konsepsiyası həm də kütləvi şüurdur. İnsanlar dərk etməlidirlər ki, əvvəlki iqtisadi inkişaf davam etdirmək artıq mümkün deyil - sadəcə olaraq dünyada ehtiyatlar yoxdur, deyə o qeyd edib.
Qida təhlükəsizliyi əsas ərzaq məhsulalrının böyük hissəsini idxal edən Azərbaycan üçün də aktual problemdir. Kənd təsərrüfatı sahəsində vəd olunmuş islahatlar hələ də əhalinin yerli ərzaq məhsulları ilə təmin edilməsi problemini həll etməyib. -02D-
Cəmiyyət
-
"Qanunvericiliyə əsasən, bu ilin noyabrında parlament seçkiləri olmalıdır, ancaq seçkilərin müddəti önə də çəkilə bilər". Bunu mayın 2-də Mərkəzi Seçki Komissiyasının (MSK) iclasında qurumun sədri Məzahir Pənahov bildirib.
-
Bakıda yaşıllıqların məhv edilməsi ictimaiyyətin narahatlığına səbəb olub, belə ki, bütün şəhər ərazisində bir neçə parkda tikinti işlərinin aparıldığı müşahidə olunub və sosial şəbəkələrdə işlərin gedişatını əks etdirən fotoşəkillər yayılıb. Maraqlıdır ki, Nərimanov rayonunda, “Dostluq” kinoteatrının yaxınlığındakı şəhidlər parkında sakinlər ağacların kəsildiyini və yüksək binaların tikintisi üçün ərazilərin hasara alındığını bildirirlər.
-
Çərşənbə axşamı Bakıda və Abşeron yarımadasında yağış yağacağı, bəzi yerlərdə intensiv xarakterli olacağı, şimşək çaxacağı gözlənilir. Şimal-qərb küləyi əsəcək.
-
Mayın 6-da Bakıda və Abşeronda buludlu hava şəraitinin üstünlük təşkil edəcəyi gözlənilir. Axşam və gecə saatlarında yağış yağacağı, şimşək çaxacağı. Şimal-qərb küləyi əsəcək.
Rəy yaz