Qiyas İbrahimov : həbslər, işgəncələr bizi köləyə və qula çevirməz

 Oktyabrın 25-i  Bakı Ağır Cinayətlər Məhkəməsində Qiyas İbrahimovun hökmü olub. Hökmə əsasən   gənc faəl 10 il azadlıqdan məhrum edilib.

Qiyas  İbrahimovun son sözünündə deyib:

  “Mən, mənə verilən  bu ittihama görə özümü müdafiə etmək fikrim yoxdur... Bu ittihamın qaranlığında yatan əsl səbəb bu ölkənin mövcud olan sistemin yalanlarına yetəri qədər sivil şəkildə adi tələbə gənc ruhu ilə etiraz etməyimdi, heç bir yazılı qanunu  pozmamışam.Hansı ki bu sistem yazılmamış qanunları ayaqda tutur, köləliyi azadlıq kimi göstərir. Bu qanunları pozanda cəzasız qalmaq mümkün deyil.Bir aktivistin dinc etirazı ,blogerin hazırladığı video, jurnalistin yazdığı gerçəklər... Mən də həmin qanunu pozmuşam və bu vəziyyətdə olanların sırasına qoşulmuş sayılıram”.

“Polis bizə yer süpürtdürür, guya alçaldıb. Aciz məxluq başa düşmür ki, biz onun dediyini eləməklə alçalmırıq.Biz o zaman alçalırıq ki, küçələri  yaşlı nənələr süpürür, oturub kresloda kök salan, bizim kimi gənclərə  qabağımda diz çökməlisiniz, mən şaham , meydanlarda anaları sürüyəndə, Nardarana girib orada haqqlarını istədilər deyə, onları öldürüb, qalanlarını da bizi kimi işgəncə verib,qorxutdular, bizi alçaldan budur.  Biz həbsi belə gözə almışıq. Bütün vicdan məhbusları məhkəmə qapısından içəri girəndə bütün ümudlərini çöldə qoyub girirlər. Mən də bütün ümidlərimi çöldə qoyub bu məhkəmə salonuna girmişəm. Bu həbslər mənim üçün və başqaları üçün müvəqqəti çətinlikdir.Bu çətinliyi  çəkməkdən qorxmuruq. Anama demək istəyirəm ki, olmayan ədalətdən bəraət istəməsin. Son sözümdən  sonra dövlət ittihamçısının  üzündən görmək olar ki, o mənə 9 il istədiyi üçün , və maksimum cəzanı istəmədiyi üçün peşmandır.Açığı bu hal məni çox şənləndirir. Cənab hakim haqqımda qərar verəndə  çəkinməyin. Biz doğru olana inanırıq.Ona görə də həbslər, işgəncələr  bizi köləyə və qula çevirməz”, - deyə İbrahimov bildirib.

Hökmdən apaelyasiya şikayəti veriləcək.—036C--