QMİ Qurban Bayramı ilə əlaqədar tövsiyələr verib
Bakı/15.08.18/Turan: Qafqaz Müsəlmanları İdarəsi (QMİ) qarşıda duran Qurban Bayramı ilə əlaqədar tövsiyə yayıb.
QMİ-nin mətbuat xidmətinin məlumatında bildirilir ki, qurban kəsmək həcc ziyarətində olan zəvvarlara vacibdir. "Digər yerlərdə isə imkanlı adamların qurban kəsmələri Allah-Təala yanında bəyənilmiş - müstəhəb əməllərdən hesab olunur. Qurban ətindən fəqir və kasıb ailələrə paylamaq gərəkdir ki, onlar bayram ab-havasını yaşasınlar - bu, böyük savabdır".
Tövsiyədə qurban kəsilən heyvanın sağlam və kök olması, qurbanın qoyun, keçi, öküz, inək və dəvə ola biləcəyi vurğulanır. Bu heyvanlar müəyyən yaş həddinə çatmalı, keçi və qoyun bir, öküz və inək iki, dəvə isə beş yaşnda olmalıdır.
Qurban ətinin satılması haramdır.
Xırdabuynuzlu heyvan (qoyun, keçi) bir nəfər üçün kəsilməlidir, amma bir neçə şəxs cəmləşib bir iribuynuzlu heyvanı qurban kəsə bilər.
"Qurbanlıq əsasən üç hissəyə bölünür: bir hissəni qurban sahibi özünə götürə bilər, digər hissənin fəqir və kasıb ailələrə, üçüncü hissənin isə hədiyyə kimi qohum-əqrəbalara paylanmalıdır", deyə tövsiyədə bildirilir.
Bu il Azərbaycanda Qurban Bayramı avqustun 22-23-də qeyd edilir. Bu günlər qeyri-iş günü elan edilib. -06D-
-
- İqtisadiyyat
- 15 Avqust 2018 16:17
-
- Cəmiyyət
- 15 Avqust 2018 17:06
Cəmiyyət
-
Bazar günü, oktyabrın 6-da Bakıda və Abşeron yarımadasında hava şəraitinin dəyişkən buludlu, əsasən yağmursuz olacağı gözlənilir, mülayim cənub-şərq küləyi əsəcək.
-
Naxçıvanda 1 saylı tam orta məktəbin müəlliməsi Səriyyə Qənbərova işdən çıxarılıb. Naxçıvan MR Təhsil Nazirliyindən bildirilib ki, o, məktəbdə sinif rəhbəri vəzifəsi və həftəlik 26 saat dərs yükü ilə təmin edilmişdi. "2024-cü ilin sentyabr ayı ərzində əmək intizamını pozaraq işə çıxmayıb, tədris başlandıqdan sonra üzrlü səbəb olmadan cədvəl üzrə dərslərini tədris etməyib. Həmçinin Səriyyə Qənbərova müxtəlif sosial şəbəkələrdə və saytlarda paylaşdığı məlumatlarla, eyni zamanda müəssisədə insident yaratmaqla "Təhsilverənlərin etik davranış Qaydaları"nı kobud surətdə pozub".
-
Son zamanlar bəzi dövlətlər dünyanı nüvə silahı ilə təhdid etməkdədir. 2022-ci ildə Ukraynaya açıq təcavüz edən Rusiya rəsmiləri də son aylar Qərb ölkələrini Ukraynaya verdikləri silahlarından onların ərazilərini vurmağa icazə verəcəkləri təqdirdə açıqca nüvə silahından istifadə edə biləcəkləri ilə hədələyirlər.
-
Oktyabrın 5-də paytaxtda hava dəyişkən olacaq, yağıntı olmayacaq. Şimal-şərq küləyi şimal-qərb küləyinə keçəcək.
Rəy yaz