Reportyorların Azadlıq və Təhlükəsizlik İnstitutu (RATİ) Avropa Şurasını Azərbaycanda qanunvericiliyə QHT-lərin fəaliyyətini çətinləşdirən mürtəce düzəlişlərin qüvvəyə minməsini pisləməyə çağırıb.
RATİ-nin bəyanatında Avropa Şurasının düzəlişləri insan hüquqlarının məhdudlaşdırılmasına yönəlmiş hərəkət kimi qiymətləndirməsi zərurəti qeyd edilir.
2009 və 2011-ci illərdə Venesiya Komissiyasının Azərbaycan hakimiyyətinin qanunvericiliyin beynəlxalq standartlara uyğunlaşdırılması ilə bağlı bütün tövsiyələrinə məhəl qoymamasından məyusluğunu ifadə etdiyi xatırladılır.
VK-nin fikrini nəzərə almaq yerinə, parlament QHT-lərin fəaliyyət şəraitini daha da çətinləşdirən düzəlişlər qəbul edib.
Bu, AŞ Nazirlər Komitəsində sədrlik ərəfəsində ölkənin beynəlxalq imicinə zərbə vurur. Prezidentin fevralın 3-də imzaladığı düzəlişlər yerli və xarici QHT-lərin fəaliyyətinə son qoyulması, QHT-lər üçün qeyri-normal yüksək cərimələr və digər cəzalar, məhdudiyyətlər üçün əsas yaradır.
“Avropa Şuras Azərbaycan QHT-ləri ilə birgə olmalı və fundamental azadlıqları boğan qanunların qəbul edilməsinə biganə qalmayacağını nümayiş etdirməlidir”, deyə RATİ direktoru bildirib.
Daha sonra bəyanatda qeyd edilir ki, qəbul edilmiş düzəlişlər Azərbaycan Konstitusiyasının 58-ci (birləşmək azadlığı), Avropa İnsan Hüquqları Konvensiyasının 11-ci (toplaşmaq və birləşmək azadlığı), Mülki və Siyasi Hüquqlar Haqqında Beynəlxalq Paktın 22-ci (birləşmək azadlığı), Ümumdünya İnsan Hüquqları Bəyannaməsinin 20-ci (birləşmək və toplaşmaq azadlığı) maddələrini pozur.
Azərbaycan Konstitusiyasına əsasən, hüquqi aktlar Azərbaycanın beynəlxalq sənədlərinə zidd olarsa, sonuncular üstün tutulur. -16/06D-
Cəmiyyət
-
“Gubad İbadoğlu işi” çərçivəsində həbs edilən Fazil Qasımov və Anar Əliyevin məhkəmə prosesi cümə axşamı Bakı Ağır Cinayətlər Məhkəməsində davam edib. Hakim Mahirə Kərimovanın sədrliyi ilə keçirilən iclasda müdafiə tərəfi prosedur pozuntuları və saxta pul sübutlarının təqdim olunma qaydasına dair narahatlıqlarını ifadə edib.
-
"Göytəpə" sərhəd dəstəsinin xidməti ərazisində ümumi çəkisi 7 kiloqram 145 qram narkotik vasitəni ölkə ərazisinə keçirməyə cəhd edən İran vətəndaşı 1984-cü il təvəllüdlü Mollayı Meysən Allahbaxış saxlanılıb. Bu barədə yanvarın 31-də Azərbaycan Dövlət Sərhəd Xidməti məlumat yayıb.
-
Yanvarın 31-də saat 12 radələrində Ağcabədi rayonunun Hindarx qəsəbəsində yerləşən evlərdən birində 5 nəfərin ölməsi, 2 nəfərin yaralanması ilə nəticələnən partlayış baş verib. Xəbəri Baş Prokurorluğun mətbuat xidməti yayıb. Faktla bağlı Ağcabədi rayon prokurorluğunda araşdırma aparılır.
-
Şənbə günü Bakıda hava şəraiti dəyişkən buludlu, yağmursuz olacaq. Şimal-şərq küləyi əsəcək. Havanın temperaturu gecə 5-7 dərəcə, gündüz 8-12 dərəcə olacaq. Nisbi rütubət 70-80% təşkil edəcək.
Rəy yaz