Azersun nədən narazıdır?

Fevralın 5-də Turan «Yanvarda ərzaq əsassız olaraq bahalanıb » adlı icmal vermişdi. Orda qeyd olunurdu ki, ərzaq inflyasiyasının artımı yerli malların bahalanmsı və idxalı inhisara alınmaıs ilə bağlıdır. Nümunə kimi ərzaq mağazalarında çeşidinin 40%-ə qədərini təmsil edən Azersun malları göstərilmişdi. Səbəb budur ki, holdinqin Azərbaycanda və RF-in Krasnodar diyarında öz xammal bazası və inkişaf etmiş infrastrukturu var. Rəhbərlik istehsal artımı hesabına topdan qiyməti ucuzlaşdırmağı vəd etmişdi. Amma nədənsə onlar bahalandı. 

Yazı çapa gedəndən sonra şirkətin təmsilçiləri bəyanat verərək bildiriblər ki, qiymətləri təkcə onlar yox, bütün istehsalçılar və distribütorlar artırıb. Turan müxbiri bir neçə mağazada və topdan bazarlarda olub. Orda məlumat veriblər ki, «Veysəloğlu» qrupu, "Procter & Gamble Azerbaijan Services" MMC, Gilan Holding və başqa oyunçular da qiyməti bahalandırıb. Bu isə yanacağın bahalanması və ümumi bahalanma effekti ilə bağlıdır. Ənənəvi ucuz Belarus mallarına gəlincə, distribütorlar bu ölkədə son ildə görünməmiş inflyasiya ilə hesablaşmağa məcburdur. 

Satıcılar qeyd edib ki, başqa şirkətlər qiymətləri Azersun kimi çox qaldırmayıb. 

Ekspert-iqtisadçıların fikrincə, bir sıra ərzaq mallarının bahalanmsı ilk növbədə dövlət tənzimləmə mexanizminin olmaması ilə bağlıdır. Oliqarxların idarə etdiyi bazar mal və xidməti bahalandırmaq üçün istənilən bəhanədən istifadə edir. Məsələn, yanacağın bahalanması, pensiya və maaş artımı. Oliqarxlar bu yolla illik 7-10% artımı yeyir.--17D--