Fevralın 6-da Ağır Cinayətlərə dair İşlər üzrə Məhkəmədə Yeddi Nida Fəalının və “Azad gənclik” təşkilatının üzvü İlkin Rüstəmzadənin işi üzrə proses ittiham tərəfin şahidi, MTN əməkdaşı Qasım Tağıyevin ifadəsi ilə davam edib.
Vəkil Nemət Kərimlinin Turan-a verdiyi məlumata görə, Tağıyev xatırlamadığını iddia edərək, proses iştirakçılarının əksər suallarına cavab verməyib.
Vəkil Kərimli bununla əlaqədar şahidin hadisələri adekvat qiymətləndirmək qabiliyyətini müəyyən etmək üçün onun ambulator-psixiatrik ekspertizadan keçməsi haqqında vəsatət qaldırıb. Vəkil bunu şahidin ya psixi yayınmalarının olması, yaxud da yalan ifadə verməsi ilə əsaslandırıb. Müşavirədən sonra məhkəmə vəsatəti təmin etməyib.
Daha sonra digər şahid – təqsirləndirilən Məmməd Əzizovun kirayə qaldığı mənzildə axtarış aparan MTN əməkdaşı Azər Məcidov ifadə verib.
Vəkillər bu şahidin ibtidai istintaqa verdiyi ifadələrin oxunması haqqında vəsatət qaldırıblar. Vəsatətə sabahki iclasda baxılacaq. Həmçinin, Əzizovun mənzilinə baxış keçirilməsi haqqında qərar və baxışın yekunları haqqında protokol oxunacaq. -16B-
Cəmiyyət
-
Fevralın 2-də Bakıda və Abşeron yarımadasında hava dəyişkən buludlu olacaq, arabir tutulacaq, yağıntı olmayacaq. Gecə və səhər bəzi yerlərdə duman, zəif çiskin gözlənilir. Cənub-şərq küləyi axşam şimal-qərb küləyi ilə əvəz olunacaq. Havanın temperaturu gecə müsbət 1 +6, gündüz müsbət 8 +11 dərəcə olacaq, Ekologiya və Təbii Sərvətlər Nazirliyi Milli Hidrometeorologiya Xidməti bildirib.
-
Lider mobil operatordan yeni Xiaomi smartfonunu əldə edən müştərilərə seçilmiş SuperSən tarif paketlərinə 50% endirim Azercell “Gənclər Günü” münasibətilə istifadəçilərə xüsusi kampaniya təqdim edir. Belə ki, “Azercell Exclusive” və rəsmi diler mağazalarından “Xiaomi Redmi Note 14” seriyasına aid smartfonlar əldə edən müştərilər “Supersən 6GB” və ya “Supersən 10GB” tarif paketinə 2 ay müddətində 50% endirim qazanacaqlar.
-
“Gubad İbadoğlu işi” çərçivəsində həbs edilən Fazil Qasımov və Anar Əliyevin məhkəmə prosesi cümə axşamı Bakı Ağır Cinayətlər Məhkəməsində davam edib. Hakim Mahirə Kərimovanın sədrliyi ilə keçirilən iclasda müdafiə tərəfi prosedur pozuntuları və saxta pul sübutlarının təqdim olunma qaydasına dair narahatlıqlarını ifadə edib.
-
"Göytəpə" sərhəd dəstəsinin xidməti ərazisində ümumi çəkisi 7 kiloqram 145 qram narkotik vasitəni ölkə ərazisinə keçirməyə cəhd edən İran vətəndaşı 1984-cü il təvəllüdlü Mollayı Meysən Allahbaxış saxlanılıb. Bu barədə yanvarın 31-də Azərbaycan Dövlət Sərhəd Xidməti məlumat yayıb.
Rəy yaz