![Dünya Bankı «Kapital bazarının təkmilləşdirilməsi layihəsini» qiymətləndirir](https://turan.az/resized/750/500/resize/media/2014/main/020600068237.jpg)
Dünya Bankı «Kapital bazarının təkmilləşdirilməsi layihəsini» qiymətləndirir
Fevralın 5-də Qiymətli Kağızlar üzrə Dövlət Komitəsinin sədri Rüfət Aslanlı ilə baş tutan görüşdə Dünya Bankının nümayəndə heyəti «Kapital bazarının təkmilləşdirilməsi» layihəsinə dair konsaltinq xidmətləri layihəsi çərçivəsində işlərin gedişatını müzakirə edib. DB-nın nümayəndə heyəti görülən işi qiymətləndirmək niyyətindədir.
QKDK-nin ictimaiyyətlə əlaqələr sektorunun yaydığı məlumata görə, görüş zamanı DB-nın maliyyə sektoru üzrə mütəxəssisi Uzma Xəlil öz missiyasının başa çatdığını və bu vəzifəyə Yohana Yagerin təyin olunduğunu bəyan edib. DB nümayəndələri qeyd ediblər ki, bu il onlar tərəfindən «Kapital bazarının təkmilləşdirilməsi» layihəsinin «əhəmiyyətli mərhələsi» kimi qiymətləndirilir.
Ötən həftə QKDK-də «2011-2012-ci illərdə AR-da qiymətli kağızlar bazarının inkişafı» Dövlət proqramının reallaşdırılmasına həsr olunan genişlənmiş kollegiya iclası keçirilib. İclasın nəticəsinə əsasən onların 2014-cü ildə effektiv reallaşdırılmasına dair vəzifələr müəyyənləşdirilib. Razılaşmaya əsasən, layihənin icrası 2015-ci ilin dekabr ayında başa çatacaq.
«Kapital bazarının təkmilləşdirilməsi» layihəsi 2015-ci ilə qədər nəzərdə tutulub və 15,8 mln dollar dəyərində qiymətləndirilir, onun 12 mln dollarını DB-ı maliyyələşdirir. Dekabrın 31-ə olan vəziyyətə görə onun müxtəlif komponentlərinin reallaşdırılmasına 2 294 min dollar sərf olunub. O cümlədən: bazar infrastrukturunun təkmilləşdirilməsi və avtomatlaşdırılmasına - 601,2 min dollar, hüquqi və tənzimləyici bazanın təkmilləşdirilməsi və gücləndirilməsinə - 282,9 min dollar, təklifin stimullaşdırılması - 353,6 min dollar, bacarığın yaxşılaşdırılması - 442 min dollar və layihənin idarə edilməsinə - 43,4 min dollar. Azərbaycan hökuməti bu layihəyə görə 302,8 min dollar ƏDV ödəyib.
2012-ci ilin yayında QKDK-i məsləhətçi qismində “Corporate Solutions” şirkətini (Britaniya) cəlb edib. Şirkətin xidmətləri 6,7 mln dollar həcmində qiymətləndirilib. 08D
-
- Cəmiyyət
- 6 Fevral 2014 16:07
-
- İqtisadiyyat
- 6 Fevral 2014 16:28
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz