![Azərbaycan ÜTT-yə niyə daxil olmur](https://turan.az/resized/media/2014/main/020600068229-750-500-resize.webp)
Azərbaycan ÜTT-yə niyə daxil olmur
Prezident İlham Əliyev regionların sosial-iqtisadi inkişaf proqramlarının həyata keçirilməsinə həsr edilmiş konfransda bildirib ki, Azərbaycan yaxın perspektivdə Ümumdünya Ticarət Təşkilatına daxil olmaq niyyətində deyil.
O, öz mövqeyini yerli bazarı bazarı ucuz və aşağı keyfiyyətli mallardan, fermer və istehsalçıları müflislikdən qorumaq arzusu ilə əsaslandırıb. O, vəd edib ki, ÜTT-yə yerli kənd təsərrüfatı və sənaye ixraca yönələndən sonra daxil olacağıq.
Bu, dövlət başçısının ilk belə bəyanatı deyil. Ziddiyyət ondadır ki, hökumət ÜTT-yə daxil olandan sonra aqrar-sənaye kompleksinin hər il $2 mlrd yardım alacağını gözləyir, əsas oyunçular (ABŞ, Aİ, Kanada, Avstraliya və Braziliyaи) istəyir ki, gömrük rüsumu və proseduru sadələşsin, standartlar eyniləşsin.
ÜTT üzvləri ikitərəfli danışıqlar zamanı iqtisadiyyatın neft və qazdan asılılığının azalması, kənd təsərrüfatı və sənaye mallarının bir hissəsinin bound-тtariflərinin azaldılmasını gözləyir. Tərəfdaşlar həmçinin istəyir ki, Azərbaycan hökuməti xidmət, aksizlər, sanitar normaları, qanunvericilik bazasını beynəlxalq standartlara uyğunlaşdırsın. Ölkə buna hazır deyil.
Azərbaycan 1997-ci ildə ÜTT-yə ərizə verib. Danışıqların başa çatması barədə ikitərəfli protokol imzalanan ilk ölkə 2007-ci ildə Türkiyə olub. 2008-ci ilin mayında Oman və BƏƏ, 2010-cu ildə Gürcüstan, 2012-ci ildə Qırğızıstanla razılıq əldə edilib. Moldova ilə protokol imzalanması gözlənilir. Danışıqları XİN rəhbərinin müavini Mahmud Məmmədquliyev aparır.
ÜTT-yə üzvlük Aİ-nin azad ticarət sazişinin imzalanması üçün şərtdir.
ÜTT 1 yanvar 1995-ci ildə beynəlxalq ticarətin liberallaşması üçün yaradılıb. ÜTT-nin baş direktoru Paskal Lamidir. --17D—
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz