Azərbaycan bankları sosial məsuliyyətini anlamalı və iqtisadiyyatın real sektoruna daha çox kredit verməlidir. Prezident İlham Əliyev regionların sosial-iqtisadi inkişaf proqramlarının həyata keçirilməsinə həsr edilmiş konfransda bildirib.
“Son illər bank sektoru güclü inkişaf edib Onlar böyüyüb və möhkəmlənib. Artıq iqtisadiyyatın real sektoruna daha çox kredit ayrılmasının vaxtıdır. Bu gün belə deyil. Bankların vəzifələrindən biri iqtisadi inkişafa təkan verməkdir” – deyə prezident qeyd edib.
İqtisadi Təşəbbüslərə Yardım Mərkəzinin rəhbəri Azər Mehdiyevin sözlərinə görə, bu gün bankların portfelinin 40%-i istehlak kreditlərdir. Uzun müddətli kreditlərlə bağlı risklər, tez qazanmaq həvəsi bankları uzun müddətli kreditlərə ehtiyatlı olmağa təhrik edir. Azad rəqabət olmadığı üçün inhisarlara yaxın olan bankların rəqiblərini kreditləşdirməyə həvəsi olmur. Bu fonda prezidentin sosial məsuliyyət çağırışı bazar iqtisadiyyatı prinsipinə ziddir, deyə Mehdiyev qeyd edib.
Vikipediyaya əsasən, iqtisadiyyatın real sektoru maliyyə-kredit və birja əməliyyatları istisna maddi və qeydi-maddi mal və xidmət istehsal edən iqtisadi sahələrin məcmuyudur.—15B--
İqtisadiyyat
-
Azərbaycan 27 noyabr 2024-cü ildə verilmiş prezident fərmanına əsasən, azad edilmiş ərazilərdə kənd təsərrüfatı torpaqlarının icarəyə verilməsini sadələşdirmək, investisiyaları cəlb etmək və kənd təsərrüfatının məhsuldarlığını artırmaq məqsədilə yeni qaydalar tətbiq edib.
-
Asiya İnkişaf Bankı (AIB) Azərbaycan pərakəndə ticarət sektorunu dəstəkləmək üçün 10,5 milyon dollar ayırdı və bu, ölkənin iqtisadi modernləşməsinə davamlı dəstəyində növbəti addım oldu. Bu investisiyalar Azərbaycanın iqtisadiyyatını şaxələndirmək və dayanıqlı inkişafın əsas sütunlarından biri olan kiçik və orta sahibkarlığı (KOS) gücləndirmək istiqamətində daha geniş məqsədlərinə uyğun gəlir.
-
Bu gün Milli Məclisin iclasında Azərbaycanın deputatları 2025-ci il üçün minimum yaşayış səviyyəsinin artırılmasını nəzərdə tutan qanun layihəsini birinci oxunuşda müzakirə edib və təsdiqləyiblər. Yenilənmiş rəqəmlər 10 manatlıq mülayim artımı əks etdirir və ölkə üzrə yaşayış minimumu 285 manat olaraq müəyyən edilib. Xüsusi əhali qrupları üçün bu göstəricilər 305 manat (işləyən əhali üçün), 232 manat (pensionerlər üçün) və 246 manat (uşaqlar üçün) təşkil edir. Eyni iclasda gələn il üçün ehtiyac meyarı da 285 manat məbləğində təsdiq edilib ki, bu da milli yaşayış minimumu ilə eyni səviyyədədir.
-
Bu il Avstraliyanın Fortescue Future Industries (FFI) holdinqinin Azərbaycanda "yaşıl" layihələrin inkişafına dair planları yenidən tənzimlənib, lakin iki il əvvəl başlayan danışıqlar davam edir, Turan-a məlumatlı mənbə bildirib.
Rəy yaz