R.Cəfərov barəsində hökmdən apellyasiya verilib

Hüquq müdafiəçisi Rəsul Cəfərovun vəkilləri 6,5 il müddətinə həbs qərarından apellyasiya şikayəti veriblər.

Vəkil Əlibaba Rzayevin Turan-a verdiyi məlumata görə, şikayətdə Cəfərova bəraət verilməsi məsələsi qaldırılıb.

Vəkil təkrar edib ki, Cəfərov barəsində ittihamlar tamamilə əsassız idi, istintaq isə ittihamı əsaslandıran dəlillər təqdim etməyib.

Rəsul Cəfərova qarşı beş maddə ilə ittiham irəli sürülüb.

“Biz ittiham tərəfin versiyasını təkzib edən çox sayda sənəd və digər dəlillər təqdim etmişik”, deyə Rzayev bildirib.

* Cəfərov 2 avqust 2014-cü ildə həbs edilib. Ona qarşı AR CM-in 192 (qanunsuz sahibkarlıq), 213 (vergilərdən yayınma) və 308-ci (vəzifə səlahiyyətlərindən sui-istifadə) maddələri ilə ittiham irəli sürülüb. Sonradan ona qarşı həm də 179 (mənimsəmə) və 313-cü (vəzifə saxtakarlığı) maddələri ilə ittiham irəli sürülüb. Aprelin 16-da məhkəmə Cəfərovu 6,5 il müddətinə azadlıqdan məhrum edib. ABŞ, Böyük Britaniya, Aİ, bir çox beynəlxalq hüquq müdafiə təşkilatları bu hökmü pisləyib.

Amnesty İnternational beynəlxalq hüquq müdafiə təşkilatı Cəfərovu həbsindən dərhal sonra “vicdan məhbusu” elan edib.-06D-