![Baku Bus Avropa Oyunlarının başlanmasını gözləyir](https://turan.az/resized/media/2015/main/050600115157-750-500-resize.webp)
Baku Bus Avropa Oyunlarının başlanmasını gözləyir
Nazirlər Kabinetinin qərarı ilə “BakuBus” MMC-nin yaradılmasından bir il keçir. Yeni şirkət fəaliyyətə iyunun 12-də - Avropa Oyunları zamanı fəaliyyətə başlayacaq.
Bu şirkətin avtobuslarının marşrutları da müəyyən edilməyib. Nazirlər Kabinetinin 3 aprel 2014-cü il tarixli qərarı ilə bu məsələnin həlli Nəqliyyat Nazirliyi və Bakı ŞİH-ə tapşırılıb.
Bu ilin fevralında prezident İ.Əliyev “BakuBus” MMC-nin tikilməkdə olan deposunda olub. Onu maliyyə naziri Samir Şərifov müşayiət edib. Bəyan edilib ki, Fransadan 302 İVECO markalı avtobus alınıb. Yeni şirkətdə 900 nəfər, o cümlədən 650 sürücü işləyəcək.
“BakuBus”un nizamnamə kapitalı üçün 2014-cü ildə dövlət büdcəsindən 30 mln manat ayrılıb. Yerli KİV bildirir ki, təkcə 150 avtobus alınması üçün $68 mln ayrılıb.
“BakuBus” MMC-nin saytında (www.bakubus.az) onun fəaliyyəti ilə bağlı informasiya yoxdur.
Avtobuslarda plastik kartlarla ödəniş üçün metro stansiyalarında “BakiKart” terminalları quraşdırılıb.
Nəqliyyat Nazirliyinin məlumatına görə, Bakıda sərnişin daşınması ilə 32 şirkət məşğul olur. Onlar 2800-dən çox avtobus istismar edir. Nəqliyyat Nazirliyi yanında “Bakı Sərnişin və Yük Daşımalarının Təşkili” MMC fəaliyyət göstərir. “BakuBus” Bakı ŞİH yanında fəaliyyət göstərir. 08B
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz