Bakı/18.06.19/Turan: "Xeberman.com" və "press-az.com" saytlarının redaktoru Polad Aslanovun həbsi onun jurnalist fəaliyyətilə əlaqədardır. Bu barədə dövlətə xəyanətdə ittiham olunan redaktorun xanımı Gülmirə Aslanova Turan-a müsahibəsində bildirib.
"Polad Dövlət Təhlükəsizliyi Xidmətinin əməkdaşlarının Məşəd və Kərbəla ziyarətinə gedən hər bir zəvvara görə sərhəd- keçid məntəqəsində şirkət rəhbərlərindən rüşvət alması ilə bağlı yazılar yazırdı. Hesab edirik ki, onun həbsi məhz bu yazılarla əlaqədardır", -G.Aslanova bildirib. Onun sözlərinə görə, həyat yoldaşı korrupsiya, rüşvətxorluq, monopoliya və digər neqativ faktlar barədə yazırdı.
Dövlətə xəyanət ittihamına gəlincə, onun sözlərinə görə, bu, sübut olunmayıb və uydurmadır. G.Aslanova deyib ki, iyunun 14-də vəkil P.Aslanova baş çəkib.
"Təkbətək görüş verməyiblər. Görüşdə başqa bir şəxs də iştirak edib. Həyat yoldaşımın psixoloji dururmu çox pisdir. Ona psixoloji basqılar çoxdur", - G.Aslanova qeyd edib.
O bildirib ki, iyunun 14-də məhkəmədə P.Aslanov ittihamı rədd edərək bildirib ki, onu jurnalist fəaliyyətinə görə təqib edirlər.
G.Aslanovanın sözlərinə görə, ilk tənqidi materiallardan sonra 2018-ci ilin aprelində 29 yaşında hərbi xidmətə çağırılıb, halbuki, bundan öncə hərbi xidmətə yararsız kimi tanınmışdı. Əsgərlikdən bu ilin aprelində qayıdıb.
2017-ci ilə qədər xarici pasportu olmayıb. Bundan sonra iki dəfə İrana və İraqa ziyarətə gedib, bir dəfə Gürcüstana gedib.
Saxlandığı gün -iyunun 12-də ailəlikcə Naxçıvana toya gediblər. Onları Biləsuvar sərhəd məntəqəsində saxlayıblar.
İyunun 13-də Dövlət Təhlükəsizliyi Xidməti P.Aslanovun saxlanması barədə məlumat yayıb. Məlumata görə, P.Aslanov xarici xidmət orqanlarının tapşırığı ilə Azərbaycanın dövlət təhlükəsizliyi və müdafiə qabiliyyətinə zərər vuran məlumatları toplayıb və onlara ötürüb. O, CM-in 274-cü (dövlətə xəyanət) maddəsi ilə məsuliyyətə cəlb edilib. İyunun 14-də məhkəmə onun barəsində 4 ay həbs qətimkan tədbiri seçib. -06D--
Cəmiyyət
-
Lider mobil operator milli mətbuatın inkişafına töhfə verməyə davam edir “Azercell Telekom” MMC jurnalistikanın inkişafına, mətbuat nümayəndələrinin peşəkar bacarıqlarının artırılmasına yönəlmiş təşəbbüslərini davam edir. Lider mobil operator 6 dekabr rabitə və informasiya texnologiyaları işçilərinin peşə bayramında bu sahə üzrə yazan jurnalistlər üçün xüsusi təlim təşkil edəcək. Beynəlxalq təlim mərkəzi tərəfindən “Media texnologiyaları: yeniliklər və trendlər” mövzusunda həyata keçiriləcək təlim jurnalistlərə yeni media tendensiyaları və qabaqcıl texnologiyalar haqqında biliklərini dərinləşdirmək imkanı verəcək.
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
Rəy yaz