Bakı/18.10.19/Turan: Müsavat Partiyasının Kürdəmir rayon təşkilatının sədri Baha Mikayılov məhkəmənin qərarı ilə inzibati qaydada 15 gün müddətinə həbs edilib. Bu barədə Turan-a partiyanın mətbuat xidmətinin rəhbəri Mustafa Hacıbəyli bildirib.
Mikayılovun konkret olaraq hansı hüquqpozmada ittiham olunduğu hələlik məlum deyil.
Hacıbəylinin sözlərinə görə, Müsavat-ın Mingəçevir şəhər təşkilatının sədri Ağahüseyn Mahmudbəyli, Xaçmaz təşkilatının sədri Ramazan Əliyev və Şirvan təşkilatının sədri Səday Hacılı da saxlanılıb.
Şirvanda daha bir neçə Müsavat üzvü saxlanılıb. Sabirabadda Müsavat-ın Məclis üzvü, "Basta" nəşrinin əməkdaşı Azər İsmayıl, Şəkidəisə partiya fəalı Bakıxan Qəribli saxlanılıb.
Partiyada həbslər və saxlanılmalar müxalifətin şənbə mitinqi ilə əlaqələndirilir. -06D-
* * *
2019 Oktyab 18 (Cümə) 22:06:06
Kürdəmirdə Müsavat Partiyasının fəalı saxlanılıb
Bakı/18.10.19/Turan: Müsavat Partiyası Kürdəmir rayon təşkilatının sədri Baha Mikayılov bu gün Bakıya gələrkən saxlanılıb. Bu barədə partiya mətbuat xidmətinin rəhbəri Mustafa Hacılı məlumat verib.
Onun sözlərinə görə, B.Mikayılovu avtobusdan düşürərək Kürdəmir rayon polis bölməsinə aparıblar.
Partiyada hesab edirlər ki, B.Mikayılovu şənbə günü Bakıda keçiriləcək mitinqlə əlaqədar saxlayıblar.
Kürdəmir polisindən şərh almaq mümkün olmayıb.05D06-
Cəmiyyət
-
Son günlər ictimaiyyətin diqqəti 2024-cü il noyabrın 8-də Bakıda açılışı keçirilən Qarabağ Müharibəsinə həsr olunmuş yeni Qələbə Abidəsi ətrafında yaranan vəziyyətə yönəlib. Azərbaycanın tanınmış memarı və tarixi memarlıq artefaktlarının tədqiqatçısı Elçin Əliyev abidənin detalları ilə bağlı fotoşəkillər çəkməyə çalışarkən mülki geyimdə olan şəxslərin gözlənilməz maneəsi ilə üzləşib.
-
Şəmkir rayonunda suyun səviyyəsinin ildən-ilə azaldığı Zəyəmçay məişət tullantıları ilə çirkləndirilir, yerli sakinlər bildiriblər. Çayın təmizlənməsi üçün aidiyyatı qurumlara müraciət etsələr də, tədbir görülməyib.
-
Cümə günü paytaxtda hava dəyişkən olacaq. Gecə bəzi yerlərdə yağış yağa bilər. Mülayim cənub-qərb küləyi əsəcək, axşam şimal-qərb küləyinə geçəcək. Havanın temperaturu gecə müsbət 10 +12, gündüz müsbət 13 + 17 dərəcə, rütubət 70-80 faiz olacaq.
-
Dünyanın 28 ölkəsinin 100 universitetini təmsil edən 159 professor və müəllimdən ibarət koalisiya Azərbaycanın ekologiya və təbii sərvətlər naziri və COP29-un prezidenti Muxtar Babayevi 2023-cü ilin iyulundan qeyri-müəyyən müddətə ev dustaqlığında olan alim iqtisadçı və ekologiya fəalı, doktor Qubad İbadoğlunun azadlığa buraxılmasını müdafiə etməyə çağırıb. Azərbaycanın COP29 iqlim konfransına ev sahibliyi etdiyi bir vaxtda göndərilən məktubda doktor İbadoğlunun kritik səhhətinə və onun korrupsiya ilə mübarizəyə və qalıq yanacaq sənayesində şəffaflığın təşviqinə verdiyi töhfələrə istinad edərək, təcili tədbirlər görülməsinə çağırılır.
Rəy yaz