Rəsm əsərlərinin satışından əldə olunan gəlir Ukraynalı uşaqların ehtiyaclarını qarşılamağa yönləndiriləcək

Bakı/31.05.22/Turan: Azərbaycan rəssamlarının rəsm əsərləri satılıb, əldə olunan vəsait isə Rusiya təcavüzündən zərər çəkmiş Ukraynalı uşaqların ehtiyaclarının qarşılanmasına yönləndiriləcək, bu barədə Turan-a Leyla Khazari Art Gallery-nin sahibi Leyla Xəzəri bildirib.

40-dan çox istedadlı Azərbaycan rəssamı layihənin müəllifi və telejurnalist Şakir Eminbəylinin təşəbbüsü ilə həyata keçirilən, Ukraynanın Azərbaycandakı səfirliyi tərəfindən dəstəklənən xeyriyyə aksiyasına qoşulublar.

Rəssamlar əldə olunan vəsaiti müharibədən əziyyət çəkən Ukraynalı uşaqlara yardım üçün təqdim etmək məqsədilə öz əsərlərini satışa çıxarıblar, bu barədə Turan-a Ukrayna səfirliyindən bildiriblər.

Art-salonun sahibi Leyla Xəzəri Turan-a sərgidə əsərləri satılan rəssamların adlarını açıqlayıb: Rəfael Əliyev, Yalçın Yəhyazadə, Diana Əliyeva, Roza Muradova, Ruslan Rüstəmov, Rauf Şəmilzadə.

Satılmayan əsərlərin təsvirləri xüsusi sayta yerləşdiriləcək, bu sayta daxil olaraq, əsərlərə baxmaq və onları almaq mümkün olacaq, deyə o bildirib.

Sayt Ukraynanın Azərbaycandakı səfirliyi tərəfindən hazırlanıb. Səfirlik xeyriyyə satışından əldə edilmiş məbləğin - 2500 manatdan çox vəsaitin köçürülməsi üçün bank hesabı açacaq.

Azərbaycanlı rəssamların "Müharibə uşaqlarına" adlı 10 günlük xeyriyyə aksiyası 18-28 may tarixlərində keçirilib və yaradıcı ziyalıların böyük marağına səbəb olub. -0-