Sabah yollarda avtomobillərin hərəkəti məhdudlaşdırılacaq

Bakı Baş Polis İdarəsinin Baş Dövlət Yol Polisi İdarəsi “TOUR d’ AZERBAİDJAN” beynəlxalq velosiped turu ilə əlaqədar hərəkət məhdudlaşırılacaq yolların siyahısnı açıqlayıb.

Heydər Əliyevin xatirəsinə həsr olunmuş 5 mərhələdən ibarət olan beynəlxalq velosiped turunun 1-ci mərhələsinin keçirilməsi ilə əlaqədar mayın 6-da aşağıdakı küçə və yollarda müəyyən vaxtlarda nəqliyyatın hərəkəti tam məhdudlaşdırılacaq:

Bakı şəhərində - Bayraq meydanından Bibiheybət məscidinədək (Salyan şosesi, əks istiqamətdə) saat 10:00-dan 10:40-dək,

Bakı-Ələt yolunda - Bakı-Sahil qəsəbəsi yolunda (Ələt istiqamətində) saat  10:30-dan 11:10-dək,

Sahil-Zeynalabdin Tağıyev qəsəbələrini birləşdirən yolda- Sahil-Zeynalabdin Tağıyev yolu (hər iki istiqamətdə) saat 11:00-dan 12:00-dək,

Bakı-Şamaxı yolunda - Bakı-Şamaxı yolu, Sulutəpə qəsəbəsinədək (Bakı istiqamətində) saat 11:50-dən 12:15-dək,

Bakı-Sumqayıt yolunda - Bakı-Sumqayıt yolu, Sulutəpə qəsəbəsindən Masazır qəsəbəsinədək (Sumqayıt istiqamətində) saat 12:10-dan 12:25-dək,

Masazır-Novxanı-Sumqayıt yolunda - Masazır-Novxanı yolu (hər iki istiqamətdə) saat 12:15-dən 12:30-dək,

Novxanı-Sumqayıt dəniz kənarı yolu (hər iki istiqamətdə) saat 12:20-dən 12:45-dək,

Sumqayıt şəhərində - Azərbaycan, Heydər Əliyev, Cəfər Cabbarlı, Zülfü Hacıyev, Sülh prospektləri, habelə Üzeyir Hacıbəyov küçəsi ilə Babək prospektinin kəsişdiyi ərazi saat 12:30-dan 14:30-dək.

Sürücülərdən qeyd edilən vaxtlarda alternativ yollardan istifadə etmələri xahiş olunur. -03D-