Bakı/30.10.18/Turan: Birdəfəlik müavinət almalı olan şəhid ailələrinin yüzədək üzvü oktyabrın 30-da Prezident Administrasiyasının qarşısına toplaşıb. Bu barədə şəhid ailələrinin təmsilçilərindən Sevinc Quluzadə bildirib. Onun dediklərinə görə, bu dəfə şəhid ailələri Milli Məclisin önünə getməkdən imtina ediblər.
"Parlamentin bu məsələni həll etmək gücü yoxdur, ona görə də Milli Məclisə getməkdən imtina etdik".
S.Quluzadə deyib ki, ailə üzvlərini hər dəfə bir rəsmi şəxs qarşılayır: "Bizi Prezident Administrasiyasının qəbul otağında hər dəfə bir rəsmi şəxs qarşılayır. Hər dəfə məsələnin həll ediləcəyini deyirlər, amma məsələ hələ də həllini tapmayıb".
Prezident İlham Əliyev bu ilin aprelində 1991-1997-ci il avqustun 2-nə kimi Azərbaycanın ərazi bütövlüyü uğrunda şəhid olan şəxslərə 11 min manat müavinət verilməsi barədə fərman imzalayıb. Fərmanın icrasına oktyabrın 9-da başlanılıb.
Sənəddə deyilir ki, birdəfəlik ödəmə həqiqi hərbi xidmətdə (toplanışda) olduğu zaman həlak olması, ölməsi və ya xəbərsiz itkin düşdüyünə görə ölmüş elan edilməsi ilə əlaqədar əvvəllər sığorta ödənişi verilməmiş, o cümlədən barəsində sığorta ödənişinin verilməsinə dair qanuni qüvvəyə minmiş məhkəmə aktı olmayan hərbi qulluqçuların vərəsələrinə verilir.
Rəsmi məlumatlara görə, fərman 11 min şəhid ailəsini əhatə edir.
Bununla yanaşı, müavinətlərin ödənilməsi məsələsində problemlər yaranıb. Belə ki, sığorta şirkəti bir çox şəhid ailələrinin əvvəllər sığorta ödənişlərini aldığını bildirir. Ailələr isə hesab edirlər ki, əvvəllər sığorta ödənişini almayıblar. Həm də manatın məzənnəsində on dəfələrlə fərq olduğundan əvvəlki sığorta ödənişlərinin məbləği ilə hazırki ödənişlərin arasında böyük fərq var. -0-
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz