Bakı/30.10.18/Turan: İstanbulda Türkiyə, Azərbaycan və İranın xarici işlər nazirlərinin 6-cı üçtərəfli görüşü keçirilib.
Azərbaycan Xarici İşlər Nazirliyinin məlumatına görə, həmin müzakirələr çərçivəsində xarici işlər naziri Elmar Məmmədyarovun iranlı həmkarı Məhəmməd Cavad Zərif ilə ikitərəfli görüşü olub.
Məlumata görə, tərəflər bölgədə sülh və təhlükəsizliyin gücləndirilməsinin əhəmiyyətini qeyd ediblər.
Nazirlər həmçinin bölgədə həyata keçirilən nəqliyyat infrastrukturu və tranzit layihələrinin əhəmiyyətini ön plana çəkiblər. Onların Bakı-Tbilisi-Qars dəmir yolunun açdığı imkanlardan tam istifadə edilməsinin və Rəşt-Astara dəmir yolunun tikintisinin ən qısa müddətdə tamamlanmasının vacibliyini vurğuladıqları bildirilir.
3 ölkənin xarici işlər nazirləri Elmar Məmmədyarov, Məhəmməd Cavad Zərif və Mevlüt Çavuşoğlunun üçtərəfli görüşünün sonunda İstanbul Bəyannaməsi qəbul edilib.
Sənədə görə, nazirlər bundan əvvəlki üçtərəfli görüşlərdə qəbul olunmuş Urmiya, Naxçıvan, Van, Ramsar və Bakı bəyannamələrinə sadiq olduqlarını vurğulayıblar.
Tərəflər razılaşıblar ki, müxtəlif səviyyə və platformalarda ümumi maraqlar kəsb edən regional və qlobal məsələlərə dair sıx məsləhətləşmələri davam etdirsinlər.
Bəyannamədə beynəlxalq hüququn prinsipləri, xüsusilə də suverenlik, ərazi bütövlüyü, beynəlxalq səviyyədə tanınmış sərhədlərin toxunulmazlığına hörmət və dəstək ifadə olunur, Dağlıq Qarabağ münqişəsinin bu prinsiplər əsasında həllinin vacibliyi vurğulanır.
Sənəddə İran-a sanksiyalar məsələsinə də toxunulur. İranla imzalanmış Birgə Hərtərəfli Fəaliyyət Planı (JCPOA) çoxtərəfli danışıqlar və diplomatiyanın uğurlarını əks etdirən əhəmiyyətli sənəd kimi dəyərləndirilir. Nazirlər ölkələr arasında ticarət və kommersiya əlaqələrinin inkişafına mənfi təsir göstərdiyi üçün birtərəfli sanksiyaları pisləyiblər.
Sənəddə əksər sahələrə əməkdaşlığın inkişaf etdirilməsinin vacibliyi ifadə edilib.
Nazirlərin növbəti üştərəfli görüşü İranda keçiriləcək.
Azərbaycan, Türkiyə və İran xarici işlər nazirlərinin bundan əvvəlki görüşü ötən il dekabrın 20-də Bakıda keçirilmişdi.
Dünən, oktyabrın 29-da İstanbulda Azərbaycan, Türkiyə və Gürcüstanın xarici işlər nazirlərinin görüşü olmuşdu. Sayca 7-ci olan həmin üçtərəfli görüşün yekunu olaraq da İstanbul Bəyannaməsi imzalanmışdı.--0--
Həmin görüşdə üçtərfli əlaqələr, beynəlxalq və regional məsələlər müzakirəsi edilmişdi.
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz