Sərhədçilər ovçunu sərhəd pozucusu zənn ediblər ?
Dünən Samux rayonunun Salahlı kəndində sərhəd buraxılış məntəqəsində qanunsuz olaraq dövlət sərhədini keçməyə çalışan silahlı şəxs saxlanılıb, bu barədə Dövlət Sərhəd Xidmətinin məlumatında deyilir.
Sərhəd pozucusu sərhədçilərin qanuni tələblərinə tabe olmayıb və silahlı müqavimət göstərərək qaçmağa çalışıb. Nizamnaməyə uyğun olaraq, sərhədçilər silah tətbiq ediblər və pozucunu sol ayağından yaralayaraq, saxlayıblar. O, rayon xəstəxanasına aparılıb, deyə mənbə bildirir.
Müəyyən olunub ki, bu şəxs Samux rayonunun Salahlı kənd sakini, 1966-cı il təvəllüdlü Qarayev Məhəmməd İsa oğludur. "Əraziyə baxış zamanı bir ədəd 12 mm-lik ikilüləli ov silahı, dolu patronaj, 12 dolu və 8 boş patron aşkar olunub", deyə Sərhəd Xidmətinin məlumatında bildirilir.
Bu məlumatdan açıq-aşkar görünür ki, Sərhəd Xidmətində ovçulara münasibət pisdir və onlarin ovçu silahından başları çıxmır. Məsələ ondadır ki, 12 mm-lik, özüdə ikilüləli ov silahı yoxdur. Çox güman ki, söhbət 12 kaliberli ov tüfəngindən gedir. Həmçinin, "boş patron" olmur, boş giliz ola bilər.
“Pozucu” məsələsinə gəlincə isə, sərhədçilər öz ərazisində olan yerli sakinin necə sərhəd pozucusu ola biləcəyini izah etmirlər.
Yerli ovçu , əlində silah niyə dövlət sərhədini keçməyə cəhd edə bilərdi?
Yagin ki zərərçəkmiş patronajında Gürcüstanda satmağa çalışdığı yarım kiloqram heroin tapılmadığına sevinməlidir. -C06--
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz