Seymur Həzi Ramil Usubova müraciət etdi

 

 “Azadlıq” qəzetinin siyasət şöbəsinin Türkiyədən yenicə qayıtmış müdiri  Seymur Həzi martın 30-da Bakıda izləndiyini hiss edib. Seymur Həzi onu izləyən dəstənin üzvlərindən birini tanıyıb. Həmin adam 2011-ci ildə Seymur Həzinin oğurlanaraq döyülməsi əməliyyatında iştirak edib.
Bununla bağlı Seymur Həzi daxili işlər naziri Ramil Usubova  müraciət edib. Müraciətdə deyilir: 
 
“Cənab nazir,  2011-ci ilin mart ayının 25-dən 26-na keçən gecə naməlum maskalı şəxslərin mənə hücum çəkmısi və oğurlayaraq işgəncəyə məruz qoymasıdan məlumatlısız. Hadisədən 2 il keçməsinə baxmayaraq,  bu cinayətin üstü hələ də açılmayıb. Bu aralıqda mən yenidən naməlum şəxslər tərəfindən izlənmişəm və bu şəxslərin fotorobortunu DİN əməkdaşları hazırlayıblar. 
 
Martın 30-da mən yenidən həmin adamlardan birinin də iştirak etdiyi qrup tərəfindən izlənmişəm. Aydın görünür ki, mənə qarşı cinayətə yol vermiş şəxslər cəzasız qaldıqları üçün özlərini belə sərbəst hiss edirlər və təqibi davam etdirirlər.
 
Mən bəyan edirəm ki, heç kimlə şəxsi düşmənçiliyim və ya intriqam yoxdur. Baş verənlər hakimiyyəti və birbaşa dövlət başçısını tənqid etməyimlə əlaqəlidir. Buna görə də, bu cinayətin üstü açılmadıqca, bütün məsuliyyət dövlətin  rəsmi orqanlarınlın üstündə qalır. Siz ya ölkədəki kriminal vəziyyətə nəzarət edə bilmirsiz, ya da mən sizin bu olayların təşkilatçılarını tanıdığınızı iddia eləmək məcburiyyətində qalıram. 
 
Bütün hallarda  mənim təhlükəsizliyimin və azad fəaliyyət göstərməyimin məsuliyyəti Azərbaycanın rəsmi dövlət orqanlarının  üzərindədir.  Sizdən qəti addımlar atmağı, vəziyyətə nəzarət etməyi gözləyirəm”.

 

Rəy yaz

Cəmiyyət

Taksi sayı azaldılır, bəs köhnə taksiçilər nə ilə dolanacaqlar? – Rauf Ağamirzəyev Çətin sualda



Bizi sosial şəbəkələrdə izləyin

Xəbər lenti