S.Rüstəmxanlı: C.Heyətin Bakıda dəfn olunması halal haqqıdır

Vətəndaş Həmrəyliyi partiyasının (VHP) sədri, deputat Sabir Rüstəmxanlı dünyaca məşhur azərbaycanlı doktor Cavad Heyətin vəfatı ilə bağlı başsağlığı verib.

VHP sədri C.Heyəti ömrünü millətin varlığına, kimliyini, dilini qorumasına həsr edən şəxs kimi dəyərləndirir. Qərb ölkələrinin nüfuzlu universitetlərində təhsil alaraq bütün dünyada tibb sahəsində ünülü şəxslərdən birinə çevrildiyini nəzərə çatdırır.    

Başsağlığında C.Heyətin 10 illər rəhbəri olduğu “Varlıq” jurnalının milli mədəniyyəti yaşatdığı və inkişaf etdirdiyi deyilir. Yüzlərlə elmi məqalə, cərrahiyyəyə aid 3 fundamental kitabın, türkologiyaya aid yeddicildliyin müəllifi olduğu xatırladılır. Azərbaycan şifahi xalq ədəbiyyatına aid araşdırmalar apardı.

Son illər C.Heyətin səhhətində yaranan narahatlıqların bu böyük insanın fəaliyyətinə təsir etsə də bu yaşda belə soydaşlarla bağlı tədbirlərdən qalmamağa çalışması əksini tapır.

C.heyətin dostlarına, xüsusilə səhhəti ilə qayğılanan arxadaşlarına son mənzilinin Bakıda olması arzusunu dilə gətirirdi. Bu böyük azərbaycanlının müstəqil Azərbaycanın paytaxtında dəfn olunması halal haqqıdır”-deyə  başsağlığında qeyd edilir.

Son olaraq bu böyük insanın əziz xatirəsinin 50 milyonluq Azərbaycan xalqının qəlbində yaşayacağı xüsusi vurğulanır.-05D-