![Açiq mənbələrdən foto.](https://turan.az/resized/media/2023/main/062200063667-750-500-resize.webp)
Açiq mənbələrdən foto.
Taleh Bağırzadə 12 saylı koloniyada məhbusların hüquqlarının pozulduğunu bildirib
Bakı/22.06.23/Turan: "Müsəlman Birliyi" Hərəkatının lideri, həbsdə olan Taleh Bağırzadə saxlanıldığı 12 saylı cəzaçəkmə müəssisəsində məhbusların hüquqlarının pozulduğunu və saxlanma şəraitinin pis olduğunu bildirib.
"Yayın istisinə baxmayaraq, koloniyada saatlarla işıq və su kəsilir. Bunu rəhbərliyin koloniyada biraylıq su ehtiyatının olduğunu birdirməsinə baxmayaraq, edirl'r. Məhbuslara verilən yeməyin keyfiyyəti çox aşağıdır və ondan pis qoxu gəlir", - Bağırzadənin yaxınları Turan agentliyinə bildiriblər.
Bundan əlavə, məhkumları qızmar günəşin altında meydançada sıraya düzürlər.
Bağırzadəyə psixoloji təzyiq göstərilir.
“Taleh Bağırzadə ilə ünsiyyətdə olan məhbusları təqib edirlər ki, onunla əlaqə saxlamasınlar. Bundan ötrü məhkumlardan birini 2 ay, digərini isə 8 gün karserə salıblar. Ombudsman Aparatına müraciət etdik, amma orada bizə dedilər ki, zərərçəkənlərin özləri, ya da onların qohumları müraciət etməlidirlər.
Taleh Bağırzadə digər adamların onun üzündən əziyyət çəkdiyinə görə mənəvi əzab çəkir. O bu problemlərə ictimaiyyətin və dövlət orqanlarının diqqətini cəlb etmək məqsədilə koloniyadakı məhbusların hüquqlarının pozulması faktlarının açıqlanmasını xahiş edib", - eyni mənbə bildirib.
Hələlik Penitensiar Xidmətdən şərh almaq mümkün olmayıb.
*Taleh Bağırzadə 2015-ci ilin noyabrında Nardaranda xüsusi əməliyyat zamanı həbs edilib və terrorizm, konstitusiya quruluşunu dəyişdirməyə cəhd, qanunsuz silahlı qrup yaratmaq və digər ittihamlarla 20 il müddətinə azadlıqdan məhrum edilib. O, hüquq müdafiəçiləri tərəfindən siyasi məhbus kimi tanınıb. B06
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz