Həbsdə olan hüquq müdafiəçisi Taleh Xasməmmədov cərimə kamerasından (kars) çıxarılıb və Penitensiar Xidmətin Müalicə Müəssisəsinə yerləşdirilib. Bu barədə Siyasi Məhbuslarsız Azərbaycan Alyansının rəhbəri Oqtay Gülalıyev məlumat yayıb.
Taleh Xasməmmədov Göyçay-Ucar regionu icra hakimiyyəti tərəfindən yol verilən hüquq pozuntuları və korrupsiya hallarını ifşa etməsi ilə tanınır. Bir neçə dəfə ona hədə-qorxu gələrək öz yazılarının dərcinə son qoymasını tələb ediblər. 2015-ci ildə hüquq müdafiəçisi xuliqanlıqda ittiham olunaraq 3 il müddətinə azadlıqdan məhrum edilib.
Həyat yoldaşı Fəxriyyə Xasməmmədovanın mediada Taleh Xasməmmədovun səhhətində yaranmış problemlərlə bağlı müraciətindən sonra 17 saylı koloniyada cəza çəkən hüquq müdafiəçisi fevralın 12-də 15 sutkalığa cərimə kamerasına (karser) salınmışdı. O, kamera yoldaşı ilə dalaşmaqda ittiham olunurdu.
“Bu, doğru deyil. Taleh xaraktercə sakit adamdır. Digər tərəfdən, o, çox xəstədir və bir kimsə ilə dalaşmaq iqtidarında deyil. Xəstə adamı karserə salmaq olar? Onun həbsini kim sifariş edibsə o da həbsdə qalması üçün hər şeyi edir. Bir həftə öncə Taleh mənimlə telefon söhbətində bildirdi ki, koloniyada ona təzyiq göstərilir”, deyə Xasməmmədovun anası bildirmişdi.
Ailəsi bildirir ki, Taleh Xasməmmədov güclü sinir ağrıları, halsızlıq, revmatizmlə yanaşı, qanın zəhərlənməsi və qıcolmadan əziyyət çəkir. Hüquq müdafiəçisi həbsindən öncə xəstəliyi ilə bağlı 2 dəfə xarici ölkədə olub və müayinə olunub. Onun əməliyyat olunmasına ehtiyac var. -03D-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz