Əmlak Məsələləri Dövlət Komitəsi “Sabirabad Dəmir Beton” ASC-nin səhmlərinin 99,92%-i investisiya müsabiqəsinə çıxarıb.
Səhmlər yarı qiymətə təklif olunur. İddiaçılar dövlət büdcəsinə ən azı 410 min manat köçürməyi təklif etməlidir.
İnvestorlara əsas tələb beton, dəmir-beton və başqa sənaye məhsulları istehsalı üzrə investisiya proqramı təqdim etməkdir.
1970-cı ildə istismara verilən müəssisə hazırda dayanıb. Kiçik həcmdə (41 min manat) borcu var.
Müsabiqə təşkilatçıları üçün əsas tələblərdən biri olmasına baxmayaraq, ƏMDK müəssisənin torpaq sahəsi, qurğuların xarakteristikası barədə məlumat vermir.
2015-ci ildə ƏMDK ən azı 10 investisiya müsabiqəsi keçirib. Onların dördünün nəticəsində səhm alqı-satqısı üzrə müqavilə bağlanılıb, deyə qurumun mətbuat xidmətində Turan-a bildiriblər. Rəsmi olaraq yalnız bir müsabiqənin nəticələri açıqlanıb. 08D
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz