Bakı/26.02.19/Turan: Azərbaycan və talış dillərində dərc olunan "Aləm" jurnalının baş redaktoru, şair Vüqar Xəmati "Sədərək" ticarət mərkəzindəki mağazasının əsassız bağlandığını bildirib.
O hesab edir ki, bu, onun sosial şəbəkələrdə "Sədərək" TM-də oxucuların "Aləm" jurnalı ilə fotoşəkillərini yayması ilə bağlıdır.
O, Turan-ın müxbiri ilə söhbətində bildirib ki, fotoşəkillər fevralın 22-də çəkilib və elə həmin gün o, şəkilləri Facebook-da paylaşıb. Növbəti gün onun "Şirniyyat" sektorundakı mağazası guya icarə haqqını ödəməməsi bəhanəsi ilə bağlanıb. Qapıda bildiriş olmasına baxmayaraq, Xəmati mağazanı açıb və bir müddət sonra polis əməkdaşının və mühafizə xidməti əməkdaşlarının müşaiyəti ilə onu "Sədərək" TM-in administrasiyasına aparıblar.
O, borcu olmadığını sübut etdikdən sonra onu buraxıblar, amma bir neçə saat sonra TM-in hüquq şöbəsinə çağırıblar.
"Orada Azər adlı şöbə rəisi və daha bir neçə nəfər var idi. Onlar məni Fəxrəddin Abbasovla (Azərbaycanın ərazi bütövlüyü əleyhinə çağırışlarına görə barəsində axtarış elan olunub), Əlikram Hümmətovla (separatçı "Talış Muğan Respublikası"nı elan etdiyinə görə mühakimə edilib) əlaqələrim barədə dindiriblər. Həmin anda başa düşdüm ki, mağazanın bağlanması "Aləm" jurnalı ilə bağlıdır. Dedim ki, bu insanlarla heç bir əlaqəm yoxdur. Ümumiyyətlə onların baxışlarını pisləyirəm. Mən Azərbaycan dövlətçiliyinin, çoxmədəniyyətli Azərbaycanın tərəfdarıyam", deyə Xətami bildirib.
Fevralın 24-də o, işi davam etdirib. Amma ayın 25-də o, yenidən hüquq şöbəsinə dəvət edilib.
"Bu dəfə çəkə guya sənədlərim qaydasında olmadığına və mağaza mənim adıma olmadığına görə irad bildiriblər. Notarius tərəfindən təsdiq edilmiş 2041-ci ilə qədər obyektdən istifadə üçün etibarnaməni gətirdikdə isə hüquq şöbəsinin müdiri məsələnin icarə ilə baglı olmadığına eyham edib. İşi davam etdirə bilməyim üçün yuxarıdan qərar lazımdır", deyə Xəmati bildirib.
Xəmati qeyd edib ki, hələlik dövlət orqanlarına şikayət etməyib.
"Aləm" jurnalı 2016-cı ildən Xəmatinin şəxsi vəsaiti hesabına hər rübdə bir dəfə 200 nüsxə tirajla buraxılır.
Onun sözlərinə görə, jurnalda talış dili, mədəniyyəti, digər xalqların dilləri haqqımda materiallar dərc olunur. "Jurnalımız Azərbaycançılıq, ölkəmizin çoxmədəniyyətliliyi ideyalarına əsaslanır", deyə Xəmati qeyd edib.
"Sədərək" Ticarət Mərkəzindən şərh almaq mümkün olmayıb. Bazarın Facebook səhifəsində verilmiş telefon nömrəsi işləmir. -06B--
Cəmiyyət
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
-
Çərşənbə günü paytaxtda gecə və səhər yağış yağacağı gözlənilir. Şimal-şərq küləyi günün ikinci yarısında cənub-şərq küləyi ilə əvəz olunacaq.
-
Builki COP29 iqlim konfransının aktiv səhnələri arasında özünü FINS Təşəbbüsü adlandıran bir qrup tərəfindən təşkil edilən balina ovu və dənizin dərinliklərindən faydalı qazıntıların hasilatına qarşı etiraz nümayəndələrin və müşahidəçilərin diqqətini cəlb edib. Lakin qrupun legitimliyi ilə bağlı suallar yaranır, çünki İnternetdə axtarış onun mövcudluğuna dair dağınıq qeydlərdən başqa çox az dəlil verir.
-
Son iki gündə Tik-tok-da bakılıların dənizkənarı bulvarda gördükləri balina haqqında "xəbər" yayılıb. Ən çox "müşahidə edənlər" video göstərərək heyvanın ölçüsünü şərh ediblər. Sonra digər "şahidlər" bunun balina yox, köpək balığı olduğunu bildiriblər. Daha sonra sualtı qayıq haqqında versiya ortaya çıxıb.
Rəy yaz