Bakı/29.04.21/Turan: Turan İnformasiya Agentliyinin direktoru Mehman Əliyev Tibbi Ərazi Bölmələrini İdarəetmə Birliyinə ünvanlanmış olduğu informasiya sorğusuna bir ay yarımdan sonra cavab alıb. Cavab bu ünvandan daxil olub: press@tabib.gov.az.
Mehman Əliyev ölkə üçün çətin olan pandemiya dövründə informasiya baxımından bu yarımleqal təşkilatın, nəhayət, öz saytının olmasına sevinib və tabib.gov.az saytından quruma daxil olmaq istəyib, ancaq 403 Forbidden virtual cavabını alıb.
Məsələnin tarixçəsinə baxaq. Tibbi Ərazi Bölmələrini İdarəetmə Birliyinə ilk müraciət martın 12-də saat 15.16-da elektron poçtla press@its.gov.az ünvanına göndərilib. Cavab gəlib. info@tabib.gov.az ünvanına müraciət etməyi məsləhət görüblər. Əliyev müraciət edib. Cavab gəlməyib.
O zaman informasiya əldə edilməsi haqqında qanuna uyğun olaraq informasiya sorğusu ilə baş təşkilata - İcbari Tibbi Sığorta üzrə Dövlət Agentliyinə müraciət etməli olub. Qanun məmurlardan informasiya sorğularına operativ olaraq 24 saat ərzində və hər hansı dəqiqləşdirmə üçün əsaslı zərurət olduqda 5 iş günündən gec olmayaraq cavab verilməsini tələb edir.
Lakin qeyd etmək lazımdır ki, İcbari Tibbi Sığorta üzrə Dövlət Agentliyi və Tibbi Ərazi Bölmələrini İdarəetmə Birliyi kütləvi informasiya vasitələrinə məhəl qoymayıblar. Kütləvi informasiya vasitələri haqda qanun isə cavabın 24 saatdan gec verilməməsini tələb edir. Cavabın gecikməsi əsaslandırılmalıdır və cavabdeh bu barədə sorğu müəllifinə məlumat verməlidir.
"Amma təcrübədə Azərbaycanda nə bu, nə də digər vəziyyət mövcud deyil. Jurnalistlər xüsusilə də ictimai maraq kəsb edən informasiyaların əldə edilməsində çox böyük problemlər yaşayırlar. Məmurların bu cür hərəkətlərinin nəticəsində kütləvi informasiya vasitələri məqaləyə dair operativ və obyektiv məlumatı hazırlamaq, sadə şəkildə desək, öz peşə vəzifələrini yerinə yetirmək iqtidarında deyil, cəmiyyət isə ictimai əhəmiyyətli informasiya əldə etmək hüququndan məhrum edilir", - Əliyev qeyd edib.
Tibbi Ərazi Bölmələrini İdarəetmə Birliyinin cavabı qanunun tələb etdiyi kimi, insanların sağlamlığı və təhlükəsizliyi üçün təhlükə olduğu halda nəzərdə tutulan 48 saat yox, 48 gün gecikib. Həmin vaxt isə "AstraZeneka" vaksini mövzusu dünya kütləvi informasiya vasitələrinin ilk səhifələrində idi. Belə uzun müddət keçdiyindən mövzu öz ilkin əhəmiyyətini itirib və faktiki olaraq həm İcbari Tibbi Sığorta üzrə Dövlət Agentliyi, həm də TƏBİB ictimai-əhəmiyyətli informasiyanın yazılmasını sabotaj ediblər.
Qəribədir ki, cavab elə vaxt daxil olub ki, Mehman Əliyev İcbari Tibbi Sığorta üzrə Dövlət Agentliyinə qarşı məhkəmə iddiası qaldırmağa hazırlaşırdı.
Prinsip etibarilə, hər iki qanunvericiliyin kobud pozulması ilə əlaqədar, üstəlik cavab tam olmayıb, sözügedən strukturların məhkəmə məsuliyyətinə cəlb edilməsi üçün bütün əsaslar var. Məsələn, "AstraZeneka" vaksininin tədarükü haqda saziş nə vaxt, kim tərəfindən və kiminlə imzalanıb?» sualına cavab alınmayıb.
Suala cavab verilməyəcəyi təqdirdə, iddia aprelin 30-da məhkəməyə göndəriləcək.
P.S. Həmçinin İcbari Tibbi Sığorta üzrə Dövlət Agentliyinə və TƏBİB-ə korrupsiyaya qarşı mübarizə haqqında qanuna əsasən onların məsuliyyətini xatırlatmaq istərdim.
III fəsil. Korrupsiya ilə əlaqədar hüquqpozmalar və bu hüquqpozmalara görə məsuliyyət
9.3.8.qanunla və ya digər normativ hüquqi aktlarla verilməsi nəzərdə tutulmuş məlumatların fiziki və ya hüquqi şəxslərə verilməsindən əsassız imtina etmək, belə məlumatların verilməsini gecikdirmək və yaxud natamam və ya təhrif olunmuş məlumatlar vermək;
11.2. Cinayət tərkibi yaratmayan korrupsiya hüquqpozması törətmiş hüquqi şəxslər qanunla müəyyən edilmiş qaydada cərimə edilir. Cinayət tərkibi yaradan korrupsiya hüquqpozmasına görə hüquqi şəxslər barəsində qanunla müəyyən edilmiş qaydada cərimə və ya digər cinayət-hüquqi tədbirlər tətbiq edilir.
Cəmiyyət
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
Rəy yaz