“Təcili yardım”ın Səhiyyə Nazirliyinə qaytarılması TƏBİB-in qeyri-peşəkarlığının göstəricisi ola bilər

Bakı/29.06.20/Turan: Bu yaxınlarda, iyunun 17-də Azərbaycanda bir sutka ərzində 329 yeni koronavirus xəstəsi qeydiyyata alınıb. O zaman bu rəqəm çox yüksək idi. Lakin prezidentin pandemiyaya qarşı mübarizə sahəsində Səhiyyə Nazirliyinin səlahiyyətlərini verdiyi TƏBİB (Tibbi Ərazi Bölmələrini İdarəetmə Birliyi) öz üzərinə düşən vəzifələrin öhdəsindən gələcəyini vəd edirdi. TƏBİB İdarə Heyətinin sədri Ramin Bayramlı deyirdi ki, kovid xəstəxanalarında boş çarpayılar yetərincədir.

Amma hər gün daha çox Azərbaycan vətəndaşı koronavirusa yoluxmağa başladı. TƏBİB dünya təcrübəsinə istinad edərək xəstəliyin yüngül təzahürləri olan xəstələri xəstəxanaya yerləşdirməyi dayandırdı. Əslində isə gündəlik infeksiyaların sayı simvolik olaraq 500 həddinə yaxınlaşırdı, ağır xəstələri də xəstəxanaya yerləşdirməkdən imtina edirdilər.

Mətbuata TƏBİB-in tabeliyində olan Təcili Tibbi Yardımın xəstəxanaya yerləşdirmək imtina etdiyi koronavirus xəstələrinin ölümü ilə bağlı şikayətlər daxil olmağa başladı. Bu barədə iyunun 25-də Turan-da dərc olunmuş “TƏBİB-in işinin uğursuzluğu və xalqın bu quruma inamsızlığının səbəblləri” adlı məqalədə deyilir. İyunun 24-də isə yuxarıların qərarı ilə “Təcili yardım” TƏBİB-dən alınaraq Səhiyyə Nazirliyinə qaytarılıb.

“Xüsusi karantin rejimi dövründə Bakı şəhəri üzrə gigiyenik və epidemioloji, karantin-təşkilati, o cümlədən koronavirus infeksiyası ocaqlarında profilaktik tədbirlərin keçirilməsi, koronavirus infeksiyasına yoluxmuş şəxslərin yerlərdə aşkar edilməsi və onlara ambulator-poliklinika, təcili və təxirəsalınmaz tibbi yardımın göstərilməsi Səhiyyə Nazirliyi tərəfindən həyata keçiriləcək”, - rəsmi məlumatda deyilir.

İki gün sonra prezident deyib ki, koronavirusa yoluxmuş insanların sayının artması ilə ölkədə koronavirusdan müalicə üçün tibb işçilərinin kifayət etməyəcək. Görünür, TƏBİB sistemində çalışan həkimlər nəzərdə tutulur,   çünki pandemiyaya qarşı mübarizə ilə bu qurum məşğul olur.  Tibb işçilərinin çatışmazlığı probleminin həllini Səhiyyə Nazirliyinin tabeliyində qalmış mütəxəssislərin mübarizəyə cəlb edilməsində tapıblar. əhalinin xüsusilə çox şikayət etdiyi “Təcili yardım”ın Səhiyyə Nazirliyinə verilməsini isə TƏBİB-in koronavirus pandemiyası ilə mübarizə sahəsində üzərinə qoyulmuş vəzifənin öhdəsindən gələ bilməməsilə izah emək olar.  İyunun 24 - də sutka ərzində müəyyən edilmiş kovid xəstələrinin sayı 590 olub, bir gün öncə isə 508 nəfər olmuşdu.

Dolayısı ilə bu qənaəti Report saytının Səhiyyə Nazirliyindən əldə etdiyi cavab yaradır. Səhiyyə Nazirliyində bildiriblər ki, Nazirlər Kabineti yanında Operativ Qərargah dövlətin bir tibb qurumuna COVİD-19 ilə mübarizədə yaranan problemlərin aradan qaldırılması üçün digərinə yardım göstərməyi həvalə edib: “Bu tapşırıq müvəqqəti xarakter daşıyır. Pandemiya zamanı bəzi poliklinikalara metodik tövsiyələr Səhiyyə Nazirliyi tərəfindən veriləcək və dövlət səhiyyə müəssisələri virusun yayılmasının qarşısını almaq üçün birlikdə işləyəcəklər”.

Disput.az sosial forumunda səlahiyyətlərin yenidən iki qurum arasında bölüşdürülməsi ilə bağlı iki populyar fikir diqqəti çəkir:

- Həmişə fikirləşirdim ki, bizim tibb ilə baş verə biləcək ən pis şey Səhiyyə Nazirliyidir. ТƏBİB qısa müddətdə bunun əksini sübut etdi.

- Nizamsızlıq iki faydasız institut arasında bölündüyündən belə olmağa davam edəcək.

Azərbaycan mətbuatında bir çox nəşrlərdə TƏBİB-in işindəki faktiki uğursuzıuq həmçinin TƏBİB İdarə Heyətinin sədri Ramin Bayramlının biznes-marağı ilə izah olunur. Yazırlar ki, o, TƏBİB-ə rəhbərliklə yanaşı eyni zamanda “İnci” klinikası və laboratoriyalarının sahibidir. Əgər belədirsə, o zaman dövlət və şəxsi maraqların münaqişəsindən danışmaq olar, belə ki, “İnci” ölkədə üç özəl tibb qurumundan biridir ki, burada koronavirusa yoluxmanı müəyyən etmək üçün test-analizini aparmaq hüququna malikdir.

“İnci” rəsmi saytında bu şirkətin rəhbəri (lər) haqqında heç bir məlumat yoxdur. Ümumiyyətlə, ad və soyad yoxdur. “İnci”yə telefon zamanı adı açıqlanmayan işçi deyib ki, o, yalnız işlədiyi laboratoriyanın müdirini tanıya bilər. Ramin Bayramlının isə “İnci”yə gəlməyə vaxtı yoxdur, işçi cavab verib. Bu o deməkdirmi ki, R.Bayramlı bu klinikaya sahibdir? Telefondakı  həmsöhbət bunu bilmədiyini söyləyib.

Səlahiyyətlərin bir hissəsinin TƏBİB-dən alınıb Səhiyyə Nazirliyinə qaytarılmasının arxasında nə durur?

Qərar onunla bağlıdır ki, TƏBİB “Təcili yardım”ın ekstren hallarda necə işlədiyini anlaya bilmədib və buna görə də “Təcili yardım”ı böyük təcrübəsi olan Səhiyyə Nazirliyinə verdilər. Əsas odur ki, təkrar bölgü qurumlar arasında münaqişəyə və anlaşılmazlığa səbəb olmasın, çünki  bundan ən çox “Təcili yardım” işçiləri zərər görər”, tibbi Medprosvet saytının rəhbəri Zaur Oruc Turan-a bildirib.

“TƏBİB-dən alınıb Səhiyyə Nazirliyinə təhvil verilmiş strukturlar arasında gün ərzində kommunikasiyaların təşkili çox vacibdir. Elə olmasın  ki, “Təcili yardım” xəstəni stasionara yerləşdirməyə çalışır, orada isə qəbul otağında problemlər yaranır. Belə olmamalıdır. Əminəm ki, qərarı qəbul edənlər Səhiyyə Nazirliyinə və TƏBİB-ə lazımi göstərişlər veriblər ki, onlar birgə işləsinlər və xalqı incitməsinlər”, - ekspert fikrini yekunlaşdırıb.—0