Bakı/14.10.19/Turan: Füzuli rayonunun Bala Bəhmənli kəndi yaxınlığında sərhəd xidmətinin əməkdaşları İran tərəfindən sərhəd pozuntusu qeydə alıblar. Axtarış zamanı sərhədi pozan şəxs aşkar edilib və saxlanılıb. Bu zaman o, müqavimət göstərib və sərhədçilərdən birinə bıçaq xəsarəti yetirib. Hərbiçiyə yardım göstərilib, onun vəziyyəti qənaətbəxş olaraq qiymətləndirilir.
Sərhədi pozan şəxs Tərtər rayon sakini, 1990-cı il təvəllüdlü Yadigar Etibarov idi. Sərhədin pozulduğu yerə baxış zamanı 790 qr marixuana, 105 qr heroin, 100 qr kristal formalı narkotik vasitə aşkar olunub. Faktla bağlı cinayət işi açılıb.
Hadisənin konkret olaraq nə zaman vaş verdiyini Sərhəd Xidməti açıqlamır. Təqdim edilmiş fotoşəkildən sərhəd pozucusunun tikanlı məftilə ilişdiyi görünür. -02D-
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz