Bakı/13.10.19/Turan: Oktyabrın 13-də keçirilən Müsavat Partiyasının IX qurultayında Arif Hacılı bu siyasi təşkilatın rəhbəri seçilib. Gizli səsvermə zamanı 261 nümayəndə onu dəstəkləyib.
Digər namizədlər, Müsavat Partiyası İdarə Heyəti üzvləri Tofiq Yaqublu və Yadigar Sadıqlıya müvafiq olaraq 51 və 20 nümayəndə səs verib.
A.Hacılı partiya sədri seçkisindən öncəki çıxışında Azərbaycandakı vəziyyəti "Leonid Brejnevin idarəçiliyinin son illərində SSRİ-dəki vəziyyətlə" müqayisə edib.
"Hakimiyyət tərəfindən siyasi mübarizə üçün qeyri-bərabər şərait yaradılsa da biz partiya strukturlarını və Müsavatın nüfuzunu qoruyub saxlamışıq. Əgər ölkədə seçkilər minimal demokratik standartlara uyğun keçirilərsə biz qalib gələ bilərik", - o qeyd edib.
Lakin T.Yaqublunun fikrincə, ölkənin siyasi həyatında partiyanın yeri onun potensialına uyğun deyil və o yenilənməlidir.
Onun fikrincə, əvvəllər hakimiyyət öz əsas əleyhdarı kimi Müsavat liderini görürdü, amma hazırda ünvan dəyişib.
T.Yaqublu Müsavatın "real siyasi qüvvələr" ilə əməkdaşlığına tərəfdar olduğunu bildirib.
"Bu gün Müsavat AXCP ilə birlikdə olması lazımdır, hakim rejimin ən çox bundan qorxur", - T.Yaqublu bildirib.
Y.Sadıqlı deyib ki, bu gün partiya 2003-cü ildə olduğundan zəifdir və kütləvi aksiyalar keçirə bilmir.
O bildirib ki, partiya yenilənməlidir və ilk növbədə rəhbərlikdə dəyişiklik olmalıdır.
Y.Sadıqlı partiyada gənclərin sayının azaldığını deyib və vəd edib ki, əgər Müsavat Partiyasının sədri seçilərsə, etirazçı gənclərin təşkilat sıralarına cəlb edilməsi üçün hər şeyi edəcək.
Arif Hacılı ikinci müddətə partiya sədri seçilib. İlk dəfə 2014-cü ildə Müsavat Partiyasının sədri seçilmişdi.
Müsavat Partiyası 1911-ci ildə təsis edilib. Azərbaycanda sovet hakimiyyəti qurulduqdan sonra bolşevik Rusiyasının işğalı nəticəsində partiya bir müddət gizli, sonra isə mühacirətdə fəaliyyət göstərib. SSRİ-nin süqutundan sonra 1992-ci ildə Azərbaycan öz müstəqilliyini yenidən əldə etdikdən sonra Müsavatın fəaliyyəti bərpa edilib. 1992-2015-cı illərdə partiyanın rəhbəri 1980-cı illərin sonu, 1990-cı illərin əvvəli Azərbaycan milli-demokratik hərəkatının liderlərindən biri İsa Qəmbər olub.06D-
Siyasət
-
"Azərbaycan və Ermənistandan olan bir qrup hidroloq və mühəndis bizim fəal dəstəyimizlə transsərhəd çaylar üçün inteqrasiya olunmuş su idarəçiliyi sxemi üzərində birgə işləyir", bu barədə noyabrın 12-də ABŞ-ın Azərbaycandakı səfiri Mark Libbi X sosial şəbəkəsindəki hesabında yazıb.
-
Prezident Baydenin administrasiyasının səlahiyyət müddətinin başa çatdığı nəzərə alınmaqla, dövlət katibi Entoni Blinken avropalı həmkarları ilə Ukraynanı necə dəstəkləyə biləcəklərini müzakirə etmək üçün Brüsselə təcili səfərə yola düşür.
-
Bakı Şəhər İcra Hakimiyyətinin. Baçğşçısı Eldar Əzizov bu il oktyabrın 22-də güclü yağışlar nəticəsində yol keçidlərini, tunelləri və çoxsaylı küçələri sel basması ilə baglı bildiribki, yağışlar nəticəsində kanalizasiya xətləri sel sularını götürə bilməyib.
-
ABŞ bərpa olunan enerji mənbələrinə keçiddə Azərbaycan da daxil olmaqla, bütün ölkələrə kömək etməyə hazırdır. Bu barədə COP29 çərçivəsində keçirilən brifinqdə ABŞ-ın İqlim məsələləri üzrə milli müşaviri Ali Zaidi neft və qazdan təmiz enerji növlərinə keçiddə ABŞ-ın Azərbaycana necə kömək edə biləcəyi haqqında Turan-ın sualına cavabda bildirib.
Rəy yaz