Rəcəb Tayyib Ərdoğan Bakıya Türk Şurasının sammitinə gəlir

Bakı/13.10.19/Turan: Bazar ertəsi Türkiyə prezidenti Rəcəb Tayyib Ərdoğan oktyabrın 14-15-də keçiriləcək Türk Şurasının 7-ci sammitində iştirak etmək üçün Bakıya gəlir. Anadolu agentliyi Türkiyə Prezident Administrasiyasının ictimaiyyətlə əlaqələr idarəsinə istinadən məlumat verib.

Sammit Türkdilli Dövlətlərin Əməkdaşlıq Şurasının (Türk Şurası) yaradılması haqda imzalanmış Naxçıvan sazişinin 10-cu ildönümünə həsr olunub. Saziş Azərbaycan, Türkiyə, Qazaxıstan və Qırğızıstan liderləri tərəfidən imzalanıb.

Azərbaycan paytaxtında Özbəkistanın təşkilata daxil olmasına dair rəsmi qərarın, həmçinin bəzi sənədlərin, əsasən Türk Şurasının Budapeştdəki Avropa ofisinin fəaliyyətinə dair sənədlərin imzalanması gözlənilir.

Sammit zamanı Qazaxıstanın ilk prezidenti Nursultan Nazarbayevə Türk Şurasının fəxri sədri adı verləcək.

Sammit cərçivəsində Türk Şurasının Koordinasiya Şurasının yaradılması haqda qərar qəbul edilib. Qurum TürkPA, TÜRKSOY, Türk Akademiyası, Türk Mədəniyyəti və İrsi Fondu, Türk Ticarət və Sənaye Palatası kimi strukturların fəaliyyətinin koordinasiyasını təmin edəcək.

R.T.Ərdoğan Türk Şurası iştirakçısı ölkələrin liderləri ilə iktərəfli görüşlər keçirəcək.

Türkiyə prezidentinin səfəri oktyabrın 15-də başa çatıb.06D--