Tərtərdə Hüquqi Özbaşınalıq Qurbanlarının Hüquqlarını Müdafiə Komitəsi yaradılıb

Bakı/22.02.21/Turan: Tərtərdə Hüquqi Özbaşınalıq Qurbanlarının Hüquqlarını Müdafiə Komitəsi yaradılıb. Komitəyə aşağıdakılar daxil olub:

1. Sədr - Leyla Yunus, Sülh və Demokratiya İnstitutunun direktoru;

2. Həmsədr – Nəsir Əliyev, günahsız mühakimə olunmuş Emil Əliyevin atası;

3.Validə Əhmədova, işgəncələrdən ölmüş Elçin Quliyevin anası;

4. Kamal Qasımov, günahsız mühakimə olunmuş Məcid Qasımovun atası;

5. Nəriman Babayev, günahsız mühakimə olunmuş Orxan Babayevin atası;

6. Mehman Əliyev, günahsız mühakimə olunmuş Nasif Əliyevin atası;

Komitənin məqsədi:

- Bu uydurma iş üzrə mühakimə olunanların hamısının azad edilməsi;

- İşgəncələr altında ölənlərin hamısının reabilitasiyası və şəhid Şəhid adının verilməsi;

- Ölkənin hərbi prokuroru Xanlar Vəliyevdən tutmuş amansız repressiyalarda günahkar olan bütün hərbçilərin cinayət məsuliyyətinə cəlb edilməsi.

Komitə mütəmadi olaraq virtual konfranslar keçirməyi və işini  beynəlxalq hüquq müdafiə təşkilatları (ОМСТ, AI, HRW, IDREAM), AŞPA-nın Azərbaycan üzrə məruzəçiləri,  ATƏT, Aİ, ABŞ Dövlət Departamenti və s. ilə əlaqələndirməyi planlaşdırır.

Tərtər işi 2017-ci ildə yaranıb. Ölkənin Baş Prokurorluğu, Müdafiə Nazirliyi, DİN və Dövlət Təhlükəsizliyi Xidməti may-iyun aylarında kütləvi repressiyalar keçiriblər, Azərbaycan Silahlı Qüvvələrinin əsgər və zabitləri onların qurbanları olub.

Təkcə 7 may 2017-ci il tarixində 47 nəfər həbs olunub və 17 mayda həbs olunanların sayı  artdı. Dövlətə xəyanətdə (AR CM-in 274-cü maddəsi) ittiham olunan vətəndaşlar işgəncələrə məruz qalıblar. Nəticədə artıq 2017-ci ilin mayında 11 nəfər vəfat edib.

Həlak olanların adları və onlar haqda tam məlumat:

https://www.ipd-az.org/ru/law-enforcement-agencies-of-azerbaijan-sanction-murders/

Saxlanılanların heç biri vəkillə təmin olunmayıb, rəsmi irəli sürülmüş ittihamlara əsasən həbs qətimkan tədbirinin seçilməsi barədə qərar çıxarmış məhkəmə prosesi olmayıb.

Emil Əliyevin (Gəncə Hərbi Məhkəməsi, hakim Vüqar Məmmədovun sədrliyi ilə), həmçinin Natiq Quluzadə, Nicat Rzayev, Zaur Abdullayev, Vəli Xəlilov, Emin Aibov, Yalçın Tarverdizadə və Orxan Babayevin (hakim İlqar Quliyevin sədrliyi ilə Tərtər Hərbi Məhkəməsi) məhkəmə proseslərinin hüquqi təhlili sözügedən vətəndaşların barəsində qanunsuz və əsassız ittiham hökmü çıxarılarkən Azərbaycan qanunvericiliyinin və beynəlxalq hüququn kobud şəkildə pozulduğunu təsdiqləyib.

Məhkəmə proseslərinin təhlili:

https://www.ipd-az.org/ru/another-unbased-accusation-of-change-of-the-homeland/

https://www.ipd-az.org/ru/the-trial-of-7-persons/

2017-ci ilin mayında Sülh və Demokratiya İnstitutu işgəncələr altında ölənlər barədə məlumat toplayıb, Turan TV İnternet kanalı isə işgəncə altında qətlə yetirilmiş polkovnik Saleh Qafarovun anası və dul xanımı ilə müsahibə verib.

Bakıda hüquq müdafiəçisi Oqtay Gülalıyev Tərtər işində Hərbi Prokurorluğun və digər güc strukturlarının cinayətlərinin araşdırılmasına başlamışdı, lakin 29 oktyabr 2019-cu ildə avtomobillə vuruldu. Hətta koma vəziyyətində ikən həkimlər ona lazımi yardım göstərməyiblər. Nəticədə, bir ildən artıqdır ki, vegetativ vəziyyətdədir.

Hazırda “Azərbaycan Siyasi Məhbusların Azadlığı Naminə İttifaq”ın Tərtər işi üzrə 25 məhkumun adı göstərilib. Bax: https://www.ipd-az.org/ru/political-prisoners-for-17-february-2021/. Lakin məhkumların sayı, əlbəttə ki, daha çoxdur, Sülh və Demokratiya İnstitutu qeyd edir.–0—