Bakı/10.12.19/Turan: Bu gün paytaxtın Binəqədi rayonundakı “Eurohome” tikinti materialları bazarında baş verən yanğın zamanı 9 nəfər xəsarət alıb.
Səhiyyə Nazirliyinin mətbuat xidmətindən verilən məlumata görə, xəsarət alanlardan üçü xəstəxanaya yerləşdirilib – iki nəfər tüstüdən zəhərlənmə, biri zədələnmə səbəbindən. Yanma məhsullarından zəhərlənən digər altı nəfərə yerində yardım göstərilib.
FHN-in məlumatına görə, saat 11:40-a yaxın yanğın lokallaşdırılıb. Bu, xüsusi aviasiyanın – alovu havadan söndürən təyyarə və vertolyotun istifadəsindən sonra mümkün olub. -02D-
* * *
2019 Dekabr 10 (Çərşənbə axşamı) 11:58:18
Yanğın nəticəsində ən böyük tikinti materialları və texnika bazarlarından birinə ciddi ziyan dəyib
Bakı/10.12.19/Turan: Dekabrın 10-da səhər Binəqədi rayonundakı “EuroHome” tikinti materialları bazarında yanğın baş verib.
FHN Dövlət Yanğından Mühafizə Xidmətinin yanğınsöndürmə qüvvələri və Xüsusi Riskli Xilasetmə Xidmətinin müvafiq qüvvələri yanğınla mübarizəyə cəlb olunsalar da bir neçə min kvadrat metr ərazini alov bürüyüb. FHN vertolyotunun cəlb edilməsilə də yanğını tez söndürmək mümkün olmayıb.
Hadisə yerinə təcili yardım maşını gəlib. Hələlik xəsarət alanlar barədə məlumat yoxdur. FHN nümayəndələri və bazardakı obyektlərin sahibləri mətbuata açıqlama verməyiblər.
Ancaq böyük maddi ziyanın dəydiyi indidən məlum olur. Bu, öz miqyasına görə bir il öncə paytaxtın Xətai rayonundakı “Diqlas” Ticarət Mərkəzində baş vermiş yanğın nəticəsində dəyən zərəri ötür.
Yanğın səbəbindən Bakı-Sumqayıt yolu bağlanıb. -05B-
Cəmiyyət
-
Oktyabrın 5-də paytaxtda hava dəyişkən olacaq, yağıntı olmayacaq. Şimal-şərq küləyi şimal-qərb küləyinə keçəcək.
-
Rusiya Azərbaycanda yeni nümayəndəlik açmaqda israrlı görünür. Bugünlərdə Rusiya Xarici İşlər Nazirliyinin (XİN) konsulluq departamentinin rəhbəri Aleksey Klimov TASS-a müsahibəsində deyib ki, hazırda Azərbaycan ərazisində, o cümlədən Qarabağda ölkəsinin yeni xarici nümayəndəliklərinin açılması məsələsi siyasi səviyyədə işlənilir. "Azərbaycan tərəfi ilə müvafiq razılaşmalar formalaşdırıldıqca konsulluq departamenti onlarla bağlı praktiki addımların həyata keçirilməsinə qoşulacaq", - o qeyd edib.
-
Oktyabrın 4-də paytaxtda hava şəraitinin dəyişkən buludlu olacağı gözlənilir. Səhər və axşam bəzi yerlərdə yağış yağacağı, şimşək çaxacağı gözlənilir. Mülayim şimal-qərb küləyi əsəcək.
-
Ölkənin lider mobil operatoru “Premium” tariflərinin imkanlarını genişləndirir. Oktyabr ayının 1-dən etibarən “Premium” abunəçilərinə daha sərfəli danışıq xidmətləri təqdim edilir, paketlərin aylıq abunə haqqı və digər imtiyazlar isə dəyişməz olaraq qalır.
Rəy yaz