![Türk mətbuatı Vasif Talıbovun həyat yoldaşının xəstəlik səbəbilə Ankaraya gətirildiyini yazır](https://turan.az/resized/media/2016/main/011100143008-750-500-resize.webp)
Türk mətbuatı Vasif Talıbovun həyat yoldaşının xəstəlik səbəbilə Ankaraya gətirildiyini yazır
Naxçıvan Ali Məclisinin sədri Vasif Talıbovun həyat yoldaşı Sevil Talıbovanın “donuz qripi” şübhəsilə yatdığı xəstəxanada durumu ağırlaşıb və Türkiyəyə gətrilməsi üçün Türkiyə Səhiyyə Nazirliyinə müraciət edilib. Bu haqda Türkiyənin “Sabah” qəzeti 2016-cı il 11 yanvar sayında yazır.
Ağciyərində çat əmələ gələn 55 yaşlı S.Talıbovanın xüsusi aparata qoşulmaqla Türkiyəyə gətirılməsi bir ilk sayılır. Hazırda vəziyyətinin müsbətə doğru getdiyi vurğulanır.
Qəzetin yazdığına görə, yardım tələbinə cavab olaraq, Türkiyə Səhiyyə Nazirliyi Təcili Səhiyyə Xidmətinin rəhbəri Selçuk Gediklə, Ankara Ürək və Damar cərrahı Ruçhan Akarla əlaqə yaradıb. S.Talıbova “İbn Sina xəstəxanası”na gətirilib.
Naxçıvandan gətirilərkən normal nəfəs ala bilməsi üçün xüsusi aparata qoşulan S.Talıbova anestezioloqun müşaiyəti ilə yanvarın 10-da Ankaraya gətirilib.
Vasıf Talibov, övladları və yaxınları xüsusi reyslə Ankaraya gəliblər. S.Talıbova hazırda İbn Sina xəstəxanasının reanimasiyasındadır, vəziyyəti yaxşılaşır, amma nə zaman xəstəxanadan buraxılacağı ilə bağlı heç nə deyilmir.
Azərbaycan Səhiyyə Nazirliyinin mətbuat xidməti isə açıqlama yayaraq, Naxçıvanda “donuz qripi”nə yoluxma faktı olmadığını bəyan edib.
Azərbaycan Səhiyyə Nazirliyi Respublika Taun Əleyhinə Stansiyanın direktoru Rakif Abdullayev indiyədək aparılan analizlərin nəticələrinə görə ölkədə “donuz qripi” virusu aşkarlanmadığını deyib. “Bizə mövsümi qriplə bağlı analizlər həmişə daxil olur, nümunələr yoxlanılır, virusun olub-olmamasının cavabı deyilir. Amma “donuz qripi” ilə bağlı heç bir müsbət hadisə olmayıb, cavabların hamısı mənfi olub, yəni heç bir virus aşkarlanmayıb”, - deyə stansiya direktoru R.Abdullayev bildirib. -05D-
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz