![VCMK hakimiyyəti vəziyyətdən narazı olanlara təzyiq göstərməkdən əl çəkməyə çağırıb](https://turan.az/resized/media/2016/main/021100146588-750-500-resize.webp)
VCMK hakimiyyəti vəziyyətdən narazı olanlara təzyiq göstərməkdən əl çəkməyə çağırıb
Vətəndaş Cəmiyyətini Müdafiə Komitəsi Azərbaycan hakimiyyətini ötən ilin dekabrında manatın ikinci devalvasiya dalğasından sonra yaranmış maliyyə-iqtisadi böhrandan ictimai narazılığın zorakılıqla yatırılmasından əl çəkməyə çağırıb.
Komitənin yanvarın 10-da keçirilən iclasında ölkənin regionlarında qiymət artımına və işsizliyə qarşı etiraz aksiyalarının iştirakçılarının qanunsuz həbs edildiyi qeyd edilib. Həbs edilənlərin dəqiq sayı məlum deyil, belə ki, hakimiyyət bu barədə məlumatları açıqlamır və saxlanılanların vəkili yoxdur. Saxlanılanlara qarşı işgəncələrə yol verildiyi barədə məlumat var.
Belə olan vəziyyətdə VCMK hakimiyyəti ölkənin böhrandan çıxarılması və geniş islahatlar aparılması yollarının axtarışı üçün bütün maraqlı ictimai və siyasi qüvvələrlə dialoqa başlamağa çağırır.
İclasda jurnalist Rasim Əliyevin qətli haqqında iş üzrə məhkəmənin gedişatına diqqət yetirilib. Məhkəmənin yarıqapalı xarakterli olmasının yolverilməz olduğunu qeyd edən Komitə jurnalistin vəfat etdiyi 1 saylı Mərkəzi Klinik Xəstəxananın həkimlərinin məhkəməyə cəlb edilməsini tələb edib.
VCMK həmçinin siyasi məhbusların və bütünlükdə azadlıqdan məhrumetmə yerlərindəki məhbusların vəziyyətinə diqqət yetirib. Məhbusların saxlanma şəraitinin yaxşılaşdırılması üzrə tədbirlər görmək qərara alınıb.
İclasda Azərbaycanda müxtəlif cinayətlərə görə həbs edilmiş İran vətəndaşlarının vəziyyəti və onların problemləri də müzakirə olunub. Söhbət cəzalarının vətənlərinə köçürülmələrinə imkan verən hissəsini çəkmiş şəxslərdən gedir. Komitə üzvləri gələcəkdə bu məsələ ilə məşğul olmaq barədə razılığa gəliblər. -0-
-
- İqtisadiyyat
- 11 Fevral 2016 14:39
-
- İqtisadiyyat
- 11 Fevral 2016 15:06
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz