Yanvarda Azərbaycanda inflyasiya illik hesablamada 13,6% təşkil edib. Bu barədə Turan-a Dövlət Statistika Komitəsindən (DSK) bildirilib.
DSK-nın 547 mal və xidmət növünün (iş və xidmət) qiymətlərinin təhlili əsasında əldə etdiyi məlumata görə, ərzaq malları 18,3%, qeyri-ərzaq malları 17,2%, əhaliyə xidmətlər 4,6% bahalaşıb.
DSK sədrinin müavini Yusif Yusifov Turan-ın müxbiri ilə söhbətində statistik göstəricilərin, əsasən istehlak qiymətlərinin indeksinin siyasiləşdirilməsi barədə müstəqil ekspertlərin fikirlərini təkzib edib.
“Biz öz hesablamalarımızın düzgün olduğunu sübut etməyə hazırıq. Mal və xidmətlərin hər yerdə artımını söyləmək olmaz. Məsələn, kənd yerlərində ərzaq mallarının 70%-i kəndlilərin öz ehtiyatlarının hesabına təmin edilir”, - Y.Yusifov bildirib.
Fevralda istehlak mallarının stabilləşməsi müşahidə edilir. 08B
İqtisadiyyat
-
Bakı Beynəlxalq Dəniz Ticarət Limanı, Şərqlə Qərbi birləşdirən Orta Dəhlizin mühüm halqası olaraq, 2024-cü ildə 7,6 milyon ton yük qəbul edib ki, bu da əvvəlki illə müqayisədə 3,2% artım deməkdir. Bu artım limanın qlobal ticarətdə artan rolunu və Çin, Türkiyə, Gürcüstan, İran və Rusiya kimi ölkələr üçün tranzit qovşağı kimi əhəmiyyətini vurğulayır.
-
Azərbaycanın Dövlət Neft Şirkəti (SOCAR) Birləşmiş Ərəb Əmirliklərinin (BƏƏ) Abu Dabi Milli Neft Şirkətindən (ADNOC) şelfdə yerləşən SARB və Umm Lulu konsessiyasındakı 3%-lik payı 285 milyon dollara alıb. Bu, iki ölkə arasında enerji əlaqələrinin dərinləşdirilməsi istiqamətində mühüm addım kimi qiymətləndirilir. Müqavilə 2024-cü ilin may ayında bağlanıb və 2025-ci ilin yanvarında yekunlaşıb.
-
Bakı Kiçik və Orta Biznes (KOB) Evi və Miniboss Biznes Məktəbi uşaqlarda sahibkarlıq bacarıqlarının inkişafına yönəlmiş anlaşma memorandumu imzalayıblar. Bu barədə Kiçik və Orta Biznesin İnkişafı Agentliyi (KOBİA) bazar ertəsi məlumat yayıb.
-
2025-ci ildə Azərbaycanın informasiya təhlükəsizliyi və rəqəmsal infrastrukturu təzyiq altında qalır, çünki ekspertlər Milli İnternet Mübadilə Mərkəzinin (İnternet Exchange Point - IXP) olmamasını vurğulayırlar. Multimediya QHT-nin rəhbəri Osman Gündüz İnformasiya və Kommunikasiya Texnologiyaları Agentliyini (İKTA) əsas provayderlər olan Azertelecom, Delta Telecom, AzTelekom və qlobal sənaye liderləri ilə əməkdaşlıq edərək Milli İnternet Mübadilə Mərkəzinin yaradılmasına rəhbərlik etməyə çağırıb.
Rəy yaz