1 Saylı Bakı İnzibati-İqtisadi Məhkəməsi “Bank of Azerbaijan” ASC-ni müflis elan edib və iflas prosedurunu başlayıb.
Bankın müflis olması haqqında qətnamə fevralın 1-ində çıxarılıb. Bu haqda məlumatı Vergilər Nazirliyi yayıb.
Məlumatda deyilir ki, “Əmanətlərin Sığortalanması Fondu” ləğvedici təyin edilib.
Müflis elan edilmiş banka qarşı tələblərin qeydiyyatı başlanıb və proses aprelin 5-dək davam edəcək.
Yanvarın 18-də Mərkəzi Bank “Bank of Azerbaijan” ASC-nin bank lisenziyasını ləğv edib. Səbəb kimi məcmu kapitalın minimum məbləği tələbinə əməl etməməsi, məcmu kapitalın adekvatlıq əmsalının 3 faizdən az olması, kreditorları qarşısında öhdəliklərini icra edə bilməməsi və s. göstərilib.
“Bank of Azerbaijan” 1993-cü ilin dekabr ayından bank bazarında idi. Onun səhmlərinin nəzarət zərfinə iş adamı Hafiz Məmmədovun iki oğlu sahiblik edirdi. 08D
İqtisadiyyat
-
Bakı Beynəlxalq Dəniz Ticarət Limanı, Şərqlə Qərbi birləşdirən Orta Dəhlizin mühüm halqası olaraq, 2024-cü ildə 7,6 milyon ton yük qəbul edib ki, bu da əvvəlki illə müqayisədə 3,2% artım deməkdir. Bu artım limanın qlobal ticarətdə artan rolunu və Çin, Türkiyə, Gürcüstan, İran və Rusiya kimi ölkələr üçün tranzit qovşağı kimi əhəmiyyətini vurğulayır.
-
Azərbaycanın Dövlət Neft Şirkəti (SOCAR) Birləşmiş Ərəb Əmirliklərinin (BƏƏ) Abu Dabi Milli Neft Şirkətindən (ADNOC) şelfdə yerləşən SARB və Umm Lulu konsessiyasındakı 3%-lik payı 285 milyon dollara alıb. Bu, iki ölkə arasında enerji əlaqələrinin dərinləşdirilməsi istiqamətində mühüm addım kimi qiymətləndirilir. Müqavilə 2024-cü ilin may ayında bağlanıb və 2025-ci ilin yanvarında yekunlaşıb.
-
Bakı Kiçik və Orta Biznes (KOB) Evi və Miniboss Biznes Məktəbi uşaqlarda sahibkarlıq bacarıqlarının inkişafına yönəlmiş anlaşma memorandumu imzalayıblar. Bu barədə Kiçik və Orta Biznesin İnkişafı Agentliyi (KOBİA) bazar ertəsi məlumat yayıb.
-
2025-ci ildə Azərbaycanın informasiya təhlükəsizliyi və rəqəmsal infrastrukturu təzyiq altında qalır, çünki ekspertlər Milli İnternet Mübadilə Mərkəzinin (İnternet Exchange Point - IXP) olmamasını vurğulayırlar. Multimediya QHT-nin rəhbəri Osman Gündüz İnformasiya və Kommunikasiya Texnologiyaları Agentliyini (İKTA) əsas provayderlər olan Azertelecom, Delta Telecom, AzTelekom və qlobal sənaye liderləri ilə əməkdaşlıq edərək Milli İnternet Mübadilə Mərkəzinin yaradılmasına rəhbərlik etməyə çağırıb.
Rəy yaz