Şəhla Hümbətova
Vəkilin koloniyalara getməsinə maneçilik törədilir
Bakı/29.05.19/Turan: 2019-cu ilin yanvar ayından başlayaraq vəkil Şəhla Hümbətovanın cəzaçəkmə müəssisələrinə getməsinə maneələr yaradılır. Bu barədə o, Turan-a müsahibəsində bildirib.
"Həmin müəssisələrdə lazımsız sənədlər tələb edirlər. Baxmayaraq ki, tələb qanunvericiliyə uyğun deyil, əməl edirəm. Bu dəfə də başqa bir məktub tələb edirlər. Həmin məktubu da gətirirəm, yenə başqa sənəd istəyirlər ", - Ş.Hümbətova bildirib.
Fevral və mart aylarında onu iki dəfə 5 saylı koloniyaya buraxmayıblar.
Ş.Hümbətova qeyd edir ki, 2019-cu ilin yanvarına qədər cəzaçəkmə müəssisələrinə baş çəkməsinə bağlı problem olmayıb.
Vəkil ona qarşı tətbiq edilən məhdudiyyəti barəsində yeni ittiham irəli sürülmüş bloger Mehman Hüseynovun hüquqlarının müdafiəsində tutduğu prinsipial mövqeyi ilə əlaqələndirib.
Vəkil məhbusun aclıq etməsi və hüquqlarının pozulması faktlarını açıqlayıb. Hüseynovun məsələsi ölkədə və xaricdə böyük rezonans doğurub, Avropa Parlamenti xüsusi qətnamə qəbul edib.
Bundan sonra işə xitam verilib və M.Hüseynov birinci iş üzrə cəzasını çəkərək martda azadlığa çıxıb. Görünür, prinsipial mövqeyinə və öz işini vicdanla yerinə yetirdiyinə görə indi vəkillə haqq-hesab çəkirlər.
Ş.Hümbətova məsələ ilə bağlı Vəkillər Kollegiyasına, Ədliyyə Nazirliyinə, Penitensiar Xidmətə və ombudsman aparatına şikayət göndərib, ancaq heç bir reaksiya yoxdur.
Penitensiar Xidmətdən şərh almaq mümkün olmayıb.-05D-
-
- Maliyyə
- 29 May 2019 13:25
Cəmiyyət
-
Bazar günü, oktyabrın 6-da Bakıda və Abşeron yarımadasında hava şəraitinin dəyişkən buludlu, əsasən yağmursuz olacağı gözlənilir, mülayim cənub-şərq küləyi əsəcək.
-
Naxçıvanda 1 saylı tam orta məktəbin müəlliməsi Səriyyə Qənbərova işdən çıxarılıb. Naxçıvan MR Təhsil Nazirliyindən bildirilib ki, o, məktəbdə sinif rəhbəri vəzifəsi və həftəlik 26 saat dərs yükü ilə təmin edilmişdi. "2024-cü ilin sentyabr ayı ərzində əmək intizamını pozaraq işə çıxmayıb, tədris başlandıqdan sonra üzrlü səbəb olmadan cədvəl üzrə dərslərini tədris etməyib. Həmçinin Səriyyə Qənbərova müxtəlif sosial şəbəkələrdə və saytlarda paylaşdığı məlumatlarla, eyni zamanda müəssisədə insident yaratmaqla "Təhsilverənlərin etik davranış Qaydaları"nı kobud surətdə pozub".
-
Son zamanlar bəzi dövlətlər dünyanı nüvə silahı ilə təhdid etməkdədir. 2022-ci ildə Ukraynaya açıq təcavüz edən Rusiya rəsmiləri də son aylar Qərb ölkələrini Ukraynaya verdikləri silahlarından onların ərazilərini vurmağa icazə verəcəkləri təqdirdə açıqca nüvə silahından istifadə edə biləcəkləri ilə hədələyirlər.
-
Oktyabrın 5-də paytaxtda hava dəyişkən olacaq, yağıntı olmayacaq. Şimal-şərq küləyi şimal-qərb küləyinə keçəcək.
Rəy yaz