![Vətəndaş Cəmiyyətinin Hüquqlarını Müdafiə Komitəsi (VCMK) İlqar Məmmədovu və Tofiq Yaqublunu azad etməyə çağırır](https://turan.az/resized/750/500/resize/media/2016/main/022200147580.jpg)
Vətəndaş Cəmiyyətinin Hüquqlarını Müdafiə Komitəsi (VCMK) İlqar Məmmədovu və Tofiq Yaqublunu azad etməyə çağırır
Vətəndaş Cəmiyyətinin Hüquqlarını Müdafiə Komitəsi (VCMK) Azərbaycan hakimiyyətini əsassız olaraq həbs edilmiş Respublikaçı Alternativ (ReAl) vətəndaş hərəkatının lideri İlqar Məmmədovu və Müsavat Partiyasının sədr müavini Tofiq Yaqublunu azad etməyə çağırır.
VCMK-nin yaydığı bəyanatda bildirilir ki, ölkənin iki məşhur siyasi xadiminin azad edilməsi bütün siyasi məhbusların azad edilməsi prosesinin başlanğıcına və plüralist cəmiyyətin qurulması, ölkənin dərin sosial-iqtisadi və ictimai-siyasi böhrandan çıxarılması məqsədilə bütün qüvvələrin birləşməsi üçün şərait yaradılmasına doğru bir addım olar.
VCMK hakimiyyəti Azərbaycanı siyasi məhbuslarsız ölkə elan etməyə və bununla da ölkənin zamanın tələblərinə uyğun olan qərarlar qəbul etmək iqtidarında olduğunu nümayiş etdirməyə çağırır.
Komitə hesab edir ki, İlqar Məmmədovun və Tofiq Yaqublunun şəxsində bütün siyasi məhbuslar azad cəmiyyətdə yaşamağa və güclü demokratik Azərbaycan dövlətinin bərqərar olması üçün çalışmağa layiqdirlər. Özü də bu məqsəd onların həyat əqidəsidir.
İlqar Məmmədov və Tofiq Yaqublu 2013-cü il yanvarın 23-24-də İsmayıllıda kütləvi iğtişaşların təşkili ittihamı ilə müvafiq olaraq yeddi və beş il müddətinə azadlıqdan məhrumetmə cəzasına məhkum ediliblər. Hər iki siyasi xadim təqsirlərini inkar edir.
Avropa İnsan Hüquqları Məhkəməsi (AİHM) 2014-cü ilin mayında İlqar Məmmədovun Avropa İnsan Hüquqları Konvensiyasının 5-ci (azadlıq və şəxsi toxunulmazlıq hüququ), 6-cı (təqsirsizlik prezumpsiyası hüququ) və 18-ci (hüquqların məhdudlaşdırılması hüdudları) maddələrində nəzərdə tutulmuş hüquqlarının pozulduğunu etiraf edib.
Avropa Şurasının Nazirlər Komitəsi və digər beynəlxalq qurumlar onun azad edilməsində israr edir.
Amnesty İnternational beynəlxalq hüquq müdafiə təşkilatı Məmmədovu və Yaqublunu vicdan məhbusu kimi tanıyaraq, onları azad etməyə çağırıb. Azərbaycanın demokratik qüvvələri, bütün nüfuzlu hüquq müdafiə təşkilatları, beynəlxalq qurumlar və dövlətlər Məmmədovu və Yaqublunu, habelə bütün digər siyasi məhbusları azad etməyə çağırır.
-
- Cəmiyyət
- 22 Fevral 2016 12:35
-
- İqtisadiyyat
- 22 Fevral 2016 13:25
Cəmiyyət
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
-
İyulun 27-də Bakıda hava dəyişkən olacaq. Abşeronda bəzi yerlərdə yağış yağacaq. Şimal-qərb küləyi əsəcək.
-
Xalq artisti Ağadaş Ağayev Azərbaycan Cinayət Məcəlləsinin 221.3-cü maddəsi ilə silah tətbiq etməklə xuliqanlıqda ittiham olunub.
Rəy yaz