Qeyri-formal “Vətəndaş platforması” birliyinin nümayəndələri martın 7-də hüquq müdafiəçisi Leyla Yunusa baş çəkiblər, onu 8 Mart - Beynəlxalq Qadınlar Günü münasibətilə təbrik ediblər.
Mehman Əliyev, Əvəz Zeynallı və jurnalist Tapdıq Fərhadoğlu qadın cəzaçəkmə müəssisəsində jurnalist Xədicə İsmayılova ilə görüşlərinə icazə verilmədikdən dərhal sonra Leyla Yunusun evinə qonaq olublar.
Leyla xanım “Vətəndaş platforması” adından çiçəkləri və təbrikləri qəbul edərək, bütün dostlarına mənəvi dəstəyə görə təşəkkür edib. “Qadınlar Bayramı ərəfəsində bu, xüsusilə xoşdur və mənim üçün bu, xatırlanmağımın və dəstəklənməyimin işarəsidir”, deyə o bildirib.
* “Sülh və Demokratiya İnstitutu”nun rəhbəri Leyla Yunus 2014-cü il iyulun 30-da saxlanılıb və ağır cinayətlərdə, o cümlədən dövlətə xəyanətdə ittiham olunub. 2015-ci ilin avqustunda 8,5 il müddətinə həbs edilib. Elə həmin ilin dekabrında bu müddət şərti həbs cəzası ilə əvəz edilib. Lakin hakimiyyət Leyla Yunusun və onun həyat yoldaşı Arif Yunusun həddindən artıq ehtiyac duyduqları müalicə üçün xaricə getməsinə mane olur. -0-
Cəmiyyət
-
Şənbə günü paytaxtda hava tutqun olacaq, səhər sulu qar gözlənilir. Güclü şimal-qərb küləyi əsəcək. Havanın temperaturu gecə müsbət 2, gündüz müsbət 3 dərəcə olacaq. Rütubət 70-75 faiz olacaq.
-
Polis Bakıdakı 210 saylı məktəbdə uşaqları onlayn oyunlarda iştiraka çağıran yazıların yayılması ilə bağlı araşdırma aparıb.
-
Fevralın 8-dən Mingəçevirdən Şuşa şəhərinə müntəzəm avtobus reysi istifadəyə veriləcək. Bu barədə Rəqəmsal İnkişaf və Nəqliyyat Nazirliyi bildirib.
-
Azercell “Həyatı daha dolğun edirik: Qadınlara Dəstək Proqramı” sosial layihə müsabiqəsi çərçivəsində layihənin qaliblərindən biri olan “Balans” İctimai Birliyi ilə bərabər Şəkidə qadın sahibkarlığını təşviq edən proqram həyata keçirib.
Rəy yaz