Məmməd İbrahimin işi üzrə prosesdə cinayət işinin saxtalaşdırıldığı üzə çıxıb
Bu gün paytaxtın Nərimanov rayon məhkəməsində AXCP İdarə Heyətinin üzvü Məmməd İbrahimin işi üzrə proses davam edib. Vəkil Yalçın İmanovun Turan-a verdiyi məlumata görə, iclasda sənədlər, o cümlədən müdafiə tərəfin vəsatəti ilə bağlı sorğuya cavab araşdırılıb.
Xatırladaq ki, bundan əvvəlki iclasda məhkəmə Nərimanov rayon polis idarəsinin 18-ci polis şöbəsinin qeydiyyat kitabının istənilməsi haqqında vəsatəti təmin edib.
Rəis iddia edir ki, zərərçəkmiş Oruc Vəliyevin şikayəti istintaqın iddia etdiyi kimi oktyabrın 1-də deyil, 5-də daxil olub.
Daha sonra istintaq iddia edirdi ki, ayın 3-də məhkəmə-tibb ekspertizası təyin edilib, 5-də isə ekspertizanın rəyi əsasında İbrahimə qarşı ittiham 221.1-ci maddədən daha ağır maddəyə - 221.2.2-ci maddəyə tövsif edilib.
Beləliklə, vəkilin sözlərinə görə, cinayət işinin saxtalaşdırıldığı göz önündədir.
Hakim Turqay Hüseynov məhkəmə istintaqının yekunlaşdığını elan edib və növbəti iclası martın 14-nə təyin edib.
* M.İbrahim ötən il sentyabrın 30-da xuliqanlıq ittihamı ilə (221.1) həbs olunub (Şikayəti keçmiş AXCP üzvü Mikayıl Quliyev verib). Sonradan bu maddə daha ağır maddəyə - 221.2.2-ci maddəyə tövsif edilib. Həmin maddə üzrə İbrahimi 5 ilədək azadlıqdan məhrumetmə cəzası gözləyir. -05B04/06-
-
- İqtisadiyyat
- 7 Mart 2016 17:56
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz