Oktyabrın 11-də Mülki Cəmiyyətə Doğru Mərkəzi “KİV-də təqsirsizlik prezumpsiyası prinsipinə əməl olunması ilə bağlı vəziyyətin monitorinqi: nəticələr və tövsiyələr” mövzusunda dəyirmi masa keçirib.
Mərkəzin rəhbəri Abil Bayramovun verdiyi məlumata görə, layihənin məqsədi televiziyalarda, yazılı mətbuatda və digər kütləvi informasiya vasitələrində təqsirsizlik prezumpsiyası prinsipinə əməl olunmasını təmin etməkdir.
Daha sonra media məsələləri üzrə ekspert, hüquqşünas Ələsgər Məmmədli monitorinqin nəticələrini təqdim edib. O qeyd edib ki, monitorinqə 3 televizya (ANS, Xəzər və İctimai) və internet xəbər saytı ( azertac.az , musavat.com və qafqazinfo.az) cəlb edilib.
Ən az pozunutunun azərtac.az saytında olduğu bildirilib.
“Həmin sayt birbaşa öz məlumatlarında təqsirsilik prezumpsiyası hüququnu pozan formatdan uzaq olub. Rəsmi məlumatları təqdim edən Vergilər Nazirliyi , DİN-in təqdim etdikləri informasiyalarda bu tip pozuntular olub və agentlik bu pozuntuları olduğu kimi mənbəyini göstərməklə təqdim edib”, deyə Ələsgər Məmmədli bildirib.
Eyni zamanda, İTV-də yayımlanan “Qanundan kənar” verlişində çox ciddi hüquqi pozuntular aşkar edilib.
Bu verilişlərdə təqsirləndirilən və ya şübhəli kimi müəyyən edilənlər birbaşa cinayəti işləmiş şəxs kimi təqdim olunur.
Bir çox KİV-lərin ortaq “xəstəliyi” nə bahasına olursa olsun, oxucu cəlb etməkdir. Bu məqsədlə çox vaxt KİV-in reytinqini və ya oxunma sayını artırmaq üçün “səs-küy yaradan” başlıqlardan istifadə olunur.
Təqsirsizlik prezumpsiyası pozuntularının ən çox rast gəlinən təzahürü bu və ya digər cinayətin törədildiyini iddia edən terminlərdən istifadədir. “Qətl törətməkdə şübhəli bilinən şəxs” yazmaq yerinə KİV “qətl törətmiş şəxs” yazır. Bu cür pozuntular musavat.com və qafqazinfo.az saytlarında qeydə alınıb.
ANS telekanalının bağlanması ilə əlaqədar monitorinqin ilkin nəticələri ümumi qiymətləndirmədən çıxarılıb. Amma orada da buna bənzər problemlər var idi. -06D-
Cəmiyyət
-
Sentyabrın 15-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Lakin səhər bəzi şəhərətrafı ərazilərdə qısamüddətli yağış yağacağı ehtimalı var. Mülayim şimal-şərq küləyi əsəcək. Havanın temperaturu gecə müsbət 19+22, gündüz müsbət 26+29 dərəcə olacaq, Milli Hidrometeorologiya Xidməti bildirib.
-
2024-cü ilin ilk yeddi ayında Azərbaycan narkotik maddə asılılığına, narkotik və psixotrop maddələrin qanunsuz dövriyyəsinə qarşı mübarizəni gücləndirdi və Dövlət Narkomaniya və Narkotik Vasitələrin Qanunsuz Dövriyyəsinə Qarşı Mübarizə Komissiyasının daimi işçi qrupu tərəfindən bu sahədə əhəmiyyətli nəticələr əldə olunduğu bildirildi. Komissiya tərəfindən aparılan geniş təhlillər ölkənin narkotik maddələrə qarşı mübarizəsində həm uğurlar, həm də davam edən problemləri üzə çıxardı.
-
Tanınmış ictimai xadim, Müharibə, Əmək və Silahlı Qüvvələr Veteranları Təşkilatının sədri Fatma Hüseyn qızı Səttarova 102 yaşında vəfat edib.
-
2024-cü ilin ilk yeddi ayında Azərbaycanda cinayətkarlığın kəskin azalması qeydə alınıb və bu, ölkənin ictimai təhlükəsizliyi artırmaq və hüquq-mühafizə orqanlarının səmərəliliyini yüksəltmək istiqamətindəki səylərinin əhəmiyyətli bir nailiyyəti hesab olunur. Daxili İşlər Nazirliyinin məlumatına görə, 2024-cü ilin yanvar-iyul aylarında 18,518 cinayət qeydə alınıb ki, bu da 2023-cü ilin eyni dövrü ilə müqayisədə 21,7% azdır.
Rəy yaz